Maldives: తలొగ్గిన మాల్దీవుల ప్రభుత్వం

ప్రధాని మోదీ లక్షద్వీప్‌ పర్యటన అంశంలో భారత్‌తో నెలకొన్న వివాదాన్ని పరిష్కరించుకునేందుకు మాల్దీవులు యత్నిస్తోంది. బాయ్‌కాట్‌ మాల్దీవులు అంటూ పెద్ద ఎత్తున ట్రెండ్‌ అవుతున్న వేళ మాల్దీవ్స్ అసోసియేషన్ ఆఫ్ టూరిజం ఇండస్ట్రీ ఈ వివాదంపై తొలిసారి స్పందించింది. భారత్‌ సహా ప్రధాని మోదీపై మాల్దీవుల మంత్రులు చేసిన అనుచిత వ్యాఖ్యలను తీవ్రంగా ఖండించింది. వివిధ సంక్షోభాల సమయంలో భారత్‌ తమను ఆదుకుందని అందుకు భారత్‌ పట్ల తాము ఎంతో కృతజ్ఞత కలిగి ఉంటామని పేర్కొంది.