GHMC: జీహెచ్‌ఎంసీ అధికారి టేబుల్‌పై పామును వదిలి.. వ్యక్తి వినూత్న నిరసన

హైదరాబాద్‌లో వర్షాల వేళ అధికారులు స్పందించటంలేదంటూ నగరానికి చెందిన ఓ వ్యక్తి వినూత్నంగా నిరసన వ్యక్తం చేశాడు. వరదలో ఇంట్లోకి వచ్చిన పాము (Snake)తో జీహెచ్‌ఎంసీ (GHMC) కార్యాలయానికి వెళ్లి అధికారుల తీరును ఎండగట్టాడు. మూడ్రోజులుగా వర్షం కురుస్తుండటంతో అల్వాల్  ప్రాంతంలో నివాసం ఉండే సంపత్ కుమార్ ఇంట్లోకి వరదనీరు వచ్చింది. ఇదే విషయమై అధికారులకు ఫిర్యాదు చేసినా పట్టించుకోకపోవటంతో విసుగుచెందాడు. ఇంట్లోకి వచ్చిన పామును వార్డు అధికారి టేబుల్‌పై వదిలాడు. ఇలాంటి పరిస్థితుల్లో తామెలా బతకాలని ప్రశ్నించాడు.