విద్యా వేడుకల్లో విషాదం.. కుక్కల దాడి తప్పించుకునే ప్రయత్నంలో బాలుడి మృతి

హన్మకొండ జిల్లాలో నిర్వహించిన విద్యా ఉత్సవాల్లో అపశ్రుతి చోటుచేసుకుంది. కమలాపూర్ మండలం మర్రిపల్లిగూడెంలో ఓ విద్యార్థి ప్రమాదవశాత్తు ప్రాణాలు కోల్పోయాడు. ఆరో తరగతి విద్యార్థి ఇనుగాల ధనుష్.. విద్యా పండుగ సందర్భంగా పాఠశాలకు వెళ్లాడు. వేడుకల్లో భాగంగా విద్యార్థులతో ర్యాలీ నిర్వహిస్తుండగా.. ధనుశ్ కిరాణ దుకాణానికి పరుగెత్తాడు. ఈ క్రమంలోనే అక్కడే ఉన్న కుక్కలు వెంటపడటంతో.. తప్పించుకునే ప్రయత్నంలో అటుగా వెళ్తున్న ట్రాక్టర్ కింద పడి మృతి చెందాడు. ధనుష్ మృతితో కుటుంబ సభ్యుల రోదనలు మిన్నంటాయి.