East Godavari: వైకాపా ప్రజాప్రతినిధి మాఫియా.. అవినీతి, అక్రమాల్లో ‘రాజా ది గ్రేట్‌’

ఆయన ఉమ్మడి తూర్పుగోదావరి జిల్లాకు చెందిన అధికార పార్టీ ప్రజాప్రతినిధి. అవినీతి, అక్రమాలు, భూ దందాలు, మట్టి, ఇసుక మాఫియాల్లో ‘‘రాజా ది గ్రేట్‌’’గా ఆ ప్రజాప్రతినిధి ఘనతకెక్కగా.. ఆయన సోదరుడు రౌడీయిజం రాటుదేలారు. నాయకుడి తల్లి ప్రతి అంశంలోనూ జోక్యం చేసుకుంటారు. ఇలా సకుటుంబ సపరివారమంతా నియోజకవర్గంపైన పడి దోచుకుంటున్నారు. వీరి ధన దాహానికి కొండలు కనుమరుగైపోయాయి, చెరువులు చిక్కిపోయాయి, ఇసుక గుంతలతో గోదావరి గర్భం ఘోషిస్తోంది.