VLC media player: వీఎల్‌సీ మీడియా ప్లేయర్‌పై నిషేధం ఎత్తివేత

ఇంటర్నెట్‌ డెస్క్‌: దేశంలో నిషేధానికి గురైన వీఎల్‌సీ మీడియా ప్లేయర్‌ (VLC player) తిరిగి అందుబాటులోకి వచ్చింది. దీనిపై ఉన్న నిషేధాన్ని కేంద్ర ఎలక్ట్రానిక్స్‌ అండ్‌ ఇన్ఫర్మేషన్‌ టెక్నాలజీ మంత్రిత్వ శాఖ ఎత్తివేసింది. దీంతో  మునుపటిలానే నెటిజన్లు ఈ వెబ్‌సైట్‌/యాప్‌ను వినియోగించుకోవచ్చు.

భద్రతా కారణాల రీత్యా దీనిపై భారత ప్రభుత్వం  నిషేధం విధించింది. గతంలో నిషేధానికి గురైన సాఫ్ట్‌వేర్‌కు సంబంధించిన సర్వర్‌తో వీఎల్‌సీ ప్లేయర్‌ అనుసంధానం అవుతున్నట్లు గుర్తించడంతో ఈ నిర్ణయం తీసుకుంది. ఈ నేపథ్యంలో కేంద్రం బ్యాన్‌ను ఎత్తివేసిందని ఇంటర్నెట్‌ ఫ్రీడమ్‌ ఫౌండేషన్‌ (IFF) ట్వీట్‌ చేసింది. వీఎల్‌సీ సైతం నిషేధం తొలగిపోయిన విషయాన్ని ట్విటర్‌ ద్వారా తెలిపింది.