ICICI Lombard: ఐసీఐసీఐ లాంబార్డ్‌కు రూ.1,728 కోట్ల జీఎస్టీ నోటీసు

దిల్లీ: జీఎస్టీ దర్యాప్తు ఏజెన్సీ డీజీజీఐ రూ.1,728 కోట్లు విలువ చేసే డిమాండ్‌ నోటీసులను ఐసీఐసీఐ లాంబార్డ్‌ జనరల్‌ ఇన్సూరెన్స్‌కు పంపింది. 2017 జులై నుంచి 2022 మార్చి మధ్య చేసిన కొన్ని సరఫరాలకు సంబంధించి పన్నులు చెల్లించలేదని నోటీసుల్లో పేర్కొంది. రెగ్యులేటరీ ఫైలింగ్‌లో ఐసీఐసీఐ లాంబార్డ్‌ నోటీసులు అందినట్లు ధ్రువీకరించింది. డైరెక్టరేట్‌ జనరల్‌ ఆఫ్‌ జీఎస్టీ ఇంటెలిజెన్స్‌ పుణె ప్రాంతీయ కార్యాలయం నుంచి ఇవి అందినట్లు తెలిపింది. అయితే, తాము అందుకున్న నోటీసుల్లో పేర్కొన్న సమస్య మొత్తం ఇన్సూరెన్స్‌ పరిశ్రమ ఎదుర్కొంటోందని వివరించింది. తగిన సమాధానం ఇస్తూ నోటీసులపై స్పందిస్తామని కంపెనీ తెలిపింది.