భారత్‌లో షార్ప్‌ సెమీ కండక్టర్ల యూనిట్‌

ఆ జపాన్‌ సంస్థ పరిశీలనలో తెలంగాణ

దిల్లీ: జపాన్‌ ఎలక్ట్రానిక్‌ దిగ్గజం షార్ప్‌ దేశంలో సెమీకండక్టర్‌ ఫ్యాబ్‌ ప్లాంటును ఏర్పాటు చేయనుంది. దీనికోసం 3-5 బిలియన్‌ డాలర్ల (సుమారు రూ.25,000- 40,000 కోట్లు) మేరకు పెట్టుబడి పెట్టే అవకాశం ఉంది. ఈ విషయంపై కేంద్ర మంత్రి అశ్వినీ వైష్ణవ్‌ను షార్ప్‌ ఉన్నతాధికారులు కలిసి తమ ప్రతిపాదనలను వివరించినట్లు తెలిసింది. 1,000 ఎకరాల్లో ఈ యూనిట్‌ ఏర్పాటుకు షార్ప్‌ ఆలోచిన చేస్తోంది. ఇది జపాన్‌లోని షార్ప్‌ సెమీకండక్టర్‌ యూనిట్‌ను మించి ఉంటుంది. ఇక్కడ తయారయ్యే సెమీకండక్టర్లను ప్రపంచ వ్యాప్తంగా ఎగుమతి చేస్తుంది. యూనిట్‌ ఏర్పాటుకు తెలంగాణ, గుజరాత్‌, మహారాష్ట్ర ప్రభుత్వాలతో షార్ప్‌ చర్చలు నిర్వహిస్తోంది. దీనిపై తుది నిర్ణయానికి రావడానికి 6 నెలల నుంచి ఏడాది సమయం పట్టొచ్చు.