Claims Reject: ఆరోగ్య బీమా క్లెయిమ్స్‌ తిరస్కరణకు కారణాలివే..

ఇంటర్నెట్‌ డెస్క్‌: పాలసీ కొనుగోలు సమయంలో మధుమేహం, రక్తపోటు వంటి ముందస్తు అనారోగ్య ఇబ్బందులను పాలసీదారుడు వెల్లడించడంలో విఫలమైనందున 25 శాతం ఆరోగ్య బీమా క్లెయింలు తిరస్కరణకు గురవుతున్నాయని ఓ నివేదిక తెలిపింది. పాలసీదారులకు కవరేజ్‌ నిబంధనల గురించి తెలియనప్పుడు, ఔట్‌ పేషెంట్‌ విభాగం (ఓపీడీ) లేదా పాలసీ పరిధిలోకి రాని ఇతర చికిత్సల కోసం క్లెయిమ్‌ చేయడానికి ప్రయత్నించడం వంటి కారణాలతో మరో 25% క్లెయిమ్స్‌ తిరస్కరణకు గురవుతున్నాయని పేర్కొంది. పాలసీదారులు విచారణలకు స్పందించకపోవడం వల్ల 16% క్లెయిమ్స్‌ తిరస్కరణకు గురవుతున్నట్లు పాలసీ బజార్‌ పేర్కొంది. 2023 ఏప్రిల్‌ నుంచి సెప్టెంబర్‌ మధ్య 2 లక్షల ఆరోగ్య బీమా క్లెయిమ్‌ల డేటాను విశ్లేషిస్తే 30 వేల క్లెయిమ్స్‌ తిరస్కరణకు గురయ్యాయని తెలిపింది.