IPO: 20 నుంచి ఉదయ్‌శివకుమార్‌ ఇన్‌ఫ్రా ఐపీఓ

దిల్లీ: సివిల్‌ నిర్మాణ రంగంలో నిమగ్నమైన ఉదయ్‌శివ్‌కుమార్‌ ఇన్‌ఫ్రా లిమిటెడ్‌ ఐపీఓ 2023, మార్చి 20 (సోమవారం)న ప్రారంభమవుతుంది. రూ.66 కోట్ల విలువైన పబ్లిక్‌ ఇష్యూ ఈ నెల మార్చి 23 వరకు బిడ్డింగ్‌ కోసం తెరిచి ఉంటుంది. ఐపీఓలో ఒక్కో షేరు ధరను రూ.33-35గా కంపెనీ నిర్ణయించింది. ఐపీఓ షేర్ల కేటాయింపు 2023, మార్చి 28న జరిగే అవకాశం ఉంది. కంపెనీ షేర్లు 'NSE, BSE' రెండింటిలోనూ లిస్ట్‌ అవుతాయి. ఈ లిస్టింగ్‌ తేదీ 2023, ఏప్రిల్‌ 3.

ఉదయ్‌ శివకుమార్‌ ఇన్‌ఫ్రా ఐపీఓ అధికారిక రిజిస్ట్రార్‌గా 'MAS' సర్వీసెస్‌ నియమితమైంది. ఈ పబ్లిక్‌ ఇష్యూ ద్వారా వచ్చే నిధులను సంస్థ వర్కింగ్‌ క్యాపిటల్‌ అవసరాలు, సాధారణ కార్పొరేట్‌ అవసరాలకు ఉపయోగించాలనుకుంటోంది. 2022, డిసెంబర్‌ 31 నాటికి కంపెనీ చేతిలో 46 వర్క్ ఆర్డర్స్‌ ఉన్నాయి. మొత్తం ఆర్డర్‌ బుక్‌ విలువ రూ.1,290.39 కోట్లు.