గ్రంథాలయానికి చావకుల్ నరసింహమూర్తి పేరు

పంజాగుట్ట : చింతలబస్తీలోని దక్షిణ భారత హిందీ ప్రచార సభలోని గ్రంథాలయానికి చావకుల్‌ నరసింహమూర్తి గ్రంథాలయంగా నాయమకరణం చేశారు. ఈ సందర్భంగా ఏర్పాటు చేసిన సభలో అధ్యక్షులు ఓబయ్య మాట్లాడుతూ చావకుల్ నరసింహమూర్తి చేసిన సేవలు అభినందనీయమన్నారు. ఆయన చేసిన సేవలకు గుర్తింపుగా ఈ గ్రంథాలయానికి ఆయన పేరు పెట్టామని తెలిపారు. హిందీ ప్రచార సభలో ట్రెజరర్‌గా, ఎగ్జిక్యూటివ్‌ మెంబర్‌గా నరసింహమూర్తి ఎనలేని సేవలందించిన విషయాన్ని గుర్తు చేశారు. ఈ కార్యక్రమంలో ఉపాధ్యక్షుడు అబ్దుల్ రెహ్మాన్‌, ట్రస్టు బోర్డు ఛైర్మన్‌ మహ్మద్‌ ఖాసీం, ట్రెజరర్‌ జమీనా, ఆంధ్ర, తెలంగాణ సెక్రటరీ శ్రీధర్‌, ఆయన కుమారుడు చావకుల్‌ రామకృష్ణ తదితరులు పాల్గొన్నారు.