ఆరుగాలం శ్రమ.. రోడ్డుపాలు

చేవెళ్ల, న్యూస్‌టుడే: పంటలకు గిట్టుబాటు ధర లభించక రైతులు తీవ్రంగా నష్టపోతున్నారు. ప్రస్తుతం మార్కెట్‌లో టమాటాలకు ధర పడిపోయింది. డిమాండ్‌ కంటే రెండింతలు ఎక్కువగా మార్కెట్‌కు వస్తుండటంతో కొనేవారు కరవయ్యారు. శుక్రవారం చేవెళ్ల వ్యవసాయ మార్కెట్‌కు సుమారు 500 బాక్సులకు పైగానే తీసుకురాగా.. అందులో సగమే వ్యాపారులు కొనుగోలు చేశారు. గురువారం కూడా తీసుకొచ్చిన సరకులో సగం అమ్ముడు పోలేదు. దీంతో శుక్రవారం సుమారు వంద బాక్సుల టమాటాలను రైతులు మార్కెట్‌ ఆవరణలో పారబోశారు. చేవెళ్లలో 25 కిలోల బాక్సు రూ.100 పలకగా కిలో రూ.4కు విక్రయించారు. నగరంలో రూ.20కి అమ్ముతున్నారు