నష్టపరిహారం చెలించలేదని కుటుంబం ఆత్మహత్యాయత్నం

పంజాగుట్ట: తమ భూమిని ప్రభుత్వం స్వాధీనం చేసుకొని నష్టపరిహారం ఇవ్వకపోవడంతో  ఓ కుటుంబం ఆత్మహత్యకు ప్రయత్నించింది. వివరాల్లోకి వెళితే..  బాపుర్‌నగర్‌గల్ ప్రాంతానికి చెందిన ఎం. ఐలేష్‌ కుటుంబానికి ఇబ్రహీంపట్నంలో 5 ఎకరాల భూమి ఉంది. ఈ భూమిని ప్రభుత్వం స్వాధీనం చేసుకొని నష్టపరిహారం ఇవ్వలేదని బాధితులు వాపోయారు. ఈ క్రమంలో సోమవారం గ్రీన్‌ల్యాండ్స్‌లోని ముఖ్యమంత్రి కార్యాలయం ఎదుట ఐలేష్‌ తన భార్య అనురాధ, కుమార్తె అక్షర, కుమారులు మణితేజ, వేణుతేజతో కలిసి కిరోసిన్‌ పోసుకొని నిప్పంటికోవడానికి ప్రయత్నించారు. దీంతో పోలీసులు వారిని అడ్డుకొని కౌన్సిలింగ్ ఇచ్చి అక్కడి నుంచి పంపించారు.