కక్ష సాధించేందుకే రాహుల్‌పై వేటు : కాంగ్రెస్‌

మాట్లాడుతున్న  రాములు నాయక్‌, మాజీ మంత్రి ప్రసాద్‌ కుమార్‌  

వికారాబాద్‌, న్యూస్‌టుడే: రాజకీయ కుట్రతోనే రాహుల్‌ గాంధీ పార్లమెంటు సభ్యత్వాన్ని రద్దు చేశారని కాంగ్రెస్‌ ఇంఛార్జి, మాజీ ఎమ్మెల్సీ రాములు నాయక్‌, మాజీ మంత్రి ప్రసాద్‌ కుమార్‌లు విమర్శించారు. సోమవారం రైల్వేస్టేషన్‌ సమీపంలోని అంబేడ్కర్‌ విగ్రహం ఎదుట కాంగ్రెస్‌ ఆధ్వర్యంలో సత్యాగ్రహ దీక్ష నిర్వహించారు. ఈ సందర్భంగా వారు మాట్లాడుతూ,  కక్ష సాధింపులో భాగంగానే అక్రమ రాజకీయానికి భాజపా తెర తీసిందన్నారు. భారత్‌ జోడో యాత్రతో రాహుల్‌ గాంధీ చరిష్మా పెరిగిందని, దీన్ని గ్రహించిన భాజపా కుయుక్తులు పన్నుతోందన్నారు. కార్యక్రమంలో తాండూర్‌ కాంగ్రెస్‌ ఇంఛార్జి రమేష్‌ మహరాజ్‌, వికారాబాద్‌ పట్టణ కాంగ్రెస్‌ అధ్యక్షుడు సుధాకర్‌రెడ్డి, టీపీసీసీ ప్రధాన కార్యదర్శి రఘువీరారెడ్డి, నాయకులు కిషన్‌నాయక్‌, రాజశేఖర్‌రెడ్డి, శ్రీనివాస్‌ ముదిరాజ్‌, రఘుపతిరెడ్డి తదితరులు పాల్గొన్నారు.