పోటీ ఎక్కడైనా విజయం ఆమెదే

నగరానికి చెందిన సుమిత్రాదేవి.. మూడు అసెంబ్లీ నియోజకవర్గాల నుంచి ఐదుసార్లు ఎమ్మెల్యేగా ప్రాతినిధ్యం వహించి ఘనత చాటారు. 1957లో జూబ్లీహ్లిల్స్‌ నుంచి ఎమ్మెల్యేగా ఎన్నికయ్యారు. తర్వాత 1962లో హైదరాబాద్‌ తూర్పు నుంచి ప్రాతినిధ్యం వహించారు. 1967, 1972 సంవత్సరాల్లో మేడ్చల్‌ నుంచి పోటీ చేసి విజయం సాధించారు. 1978లో ఇబ్రహీంపట్నంలో విజయకేతనం ఎగురవేశారు. 1980లో ఆమె అకాల మరణం పొందడంతో ఉప ఎన్నిక అనివార్యమైంది. ఎస్సీలకు రిజర్వు చేసిన ఆయా స్థానాల నుంచి ఆమెను కాంగ్రెస్‌ రంగంలోకి దింపేది. ప్రజలు కూడా ఆదరించి ఆమె ఖాతాలో వరుస విజయాలను చేర్చారు.