వైకాపా పాలనలో అభివృద్ధి శూన్యం

కరపత్రం అందజేస్తున్న టీజీ భరత్‌

కర్నూలు సచివాలయం, న్యూస్‌టుడే: వైకాపా ప్రభుత్వం మరోసారి వచ్చిందంటే అరాచక పాలనే ఉంటుందని కర్నూలు తెదేపా ఎమ్మెల్యే అభ్యర్థి టీజీ భరత్‌ అన్నారు. జొహరాపురంలోని మాలగేరిలో శనివారం భరోసా యాత్ర నిర్వహించారు. ఈ సందర్భంగా స్థానికులు పలు సమస్యలు విన్నవించారు. రానున్న ఎన్నికల్లో తెదేపాను గెలిపిస్తే సమస్యలు పరిష్కరిస్తామని హామీ ఇచ్చారు. రానున్న ఎన్నికల్లో తనకు ఎమ్మెల్యేగా ఒక్క అవకాశం ఇవ్వాలని కోరారు. వైకాపా పాలనలో అభివృద్ధి శూన్యమని చెప్పారు. ఈ కార్యక్రమంలో తెదేపా నగర అధ్యక్షుడు నాగరాజుయాదవ్‌, ట్రేడ్‌ యూనియన్‌ నాయకులు రమణ, నారాయణ, నేతలు మోహన్‌, మాధవస్వామి, తిమ్మోజి, శ్రీనివాసగౌడ్‌, వెంకటేశ్‌గౌడ్‌ తదితరులు పాల్గొన్నారు.