ఓటరుకు ఆహ్వానం..

ప్రజాస్వామ్యంలో ఓటు ఎంతో కీలకమని, అందరూ ఓటుహక్కును వినియోగించుకోవాలని కోరుతూ హనుమకొండ నగరంలోని నయీంనగర్‌లో ఉంటున్న ప్రభుత్వ ఉపాధ్యాయుడు కూరపాటి సత్యనారాయణ వినూత్న ప్రచారం చేస్తున్నారు. గురువారం నుంచి నామినేషన్ల దాఖలు ప్రారంభం కానున్న సందర్భంగా ఓటరు ఆహ్వాన పత్రిక రూపొందించారు. వివాహ ఆహ్వాన పత్రిక మాదిరిగా పోలింగ్‌ సుముహూర్తం, వేదిక తదితర అంశాలను ప్రస్తావించారు. ఎన్నికల సందర్భంగా ఎలాంటి కానుకలు ఇవ్వొద్దు, తీసుకోవద్దని ఓటరు మహాశయులకు విజ్ఞప్తి చేశారు. అధిక సంఖ్యలో ఓటర్లు పోలింగ్‌లో పాల్గొని, మన భవిష్యత్తు రూపకర్తలైన ప్రజాప్రతినిధులను ఎన్నుకొని ప్రజాస్వామ్య పరిరక్షణకు మీ ఆశీస్సులు అందించాలని సత్యప్రకాశ్‌రావు ఓటర్లను కోరుతున్నారు. ప్రచార సాధనాలు, సామాజిక మాధ్యమాలు, వాట్సప్‌ గ్రూపుల ద్వారా దాన్ని పోస్టు చేస్తూ పోలింగ్‌ శాతం పెంచేందుకు తనవంతు కృషి చేస్తున్నారు.

న్యూస్‌టుడే, గోపాలపూర్‌