శేషవాహనంపై శ్రీరాముడు

న్యూస్‌టుడే, వాల్మీకిపురం: వాల్మీకిపురంలోని పట్టాభిరాముడి సాలకట్ల వార్షిక బ్రహ్మోత్సవాల్లో భాగంగా నాలుగో రోజైన సోమవారం రాత్రి శేషవాహనంపై శాంతి స్వరూపుడైన శ్రీరాముడు విహరించి భక్తలకు దర్శనమిచ్చారు. ఉదయం సర్వభూపాల వాహనంపై సీతారాములు అధిరోహించి తిరుమాడ వీధుల్లో ఊరేగారు. అనంతరం సుగంధ ద్రవ్యాలతో స్నపన తిరుమంజనం, ఊంజల్‌సేవలు నిర్వహించారు. బళ్లారి డ్రమ్స్‌, జానపద, కోలాట, తదితర కళాకారుల ప్రదర్శనలు ఆకట్టుకున్నాయి. వాల్మీకి సేవా సంఘం ఆధ్వర్యంలో మహిళలు పిండి దీపాలతో స్వాగతం పలికారు. ఉత్సవాల్లో ఎమ్మెల్యే చింతల రామచంద్రారెడ్డి, తితిదే అధికారులు, అర్చకులు, పెద్ద సంఖ్యలో భక్తులు, వాల్మీకి సేవాసంఘం సభ్యులు పాల్గొన్నారు.