పోతన రచనలు జన రంజకం

కవి సమ్మేళనంలో పాల్గొన్న సాహితీవేత్తలు

ఒంటిమిట్ట, న్యూస్‌టుడే: బమ్మెర పోతన రచనలు జన రంజకమై చరిత్ర పుటల్లో శాశ్వతంగా నిలిచిపోయినట్లు తితిదే దత్సాహిత్య ప్రాజెక్టు ప్రత్యేక అధికారి ఆనందతీర్థాచార్యులు పేర్కొన్నారు. ఒంటిమిట్టలో బుధవారం పోతన జయంతి వేడుకలను నిర్వహించారు. తొలుత సహజ పండితుడి విగ్రహానికి పూలమాల వేసి నివాళి అర్పించారు. అనంతరం కవి సమ్మేళనం కార్యక్రమాన్ని నిర్వహించారు. ధార్మిక ప్రాజెక్టుల విభాగం అధికారి రాజగోపాల్‌ మాట్లాడుతూ బమ్మెర పోతన హస్తాల నుంచి జాలువారిన రచనలు నవరసభరితమని వివరించారు. పోతన సాహిత్య పీఠం అధ్యక్షుడు పసుపులేటి శంకర్‌ మాట్లాడుతూ సాహితీ రంగాన్ని యజ్ఞంలా చేశారని కొనియాడారు. నారాయణరెడ్డి, డాక్టరు నీలవేణి, డాక్టరు భూతపూరి గోపాలకృష్ణ శాస్త్రి, ఎం.శివారెడ్డి వివిధ అంశాలపై ఉపన్యసించారు.