Cyber Crime: అత్యాశకు పోతే రూ.27 లక్షలు పాయే..

నారాయణగూడ: అజ్ఞాత వ్యక్తి ఫోన్‌లో సంప్రందించి.. భారీగా లాభాలిప్పిస్తానంటే నమ్మి రూ.27 లక్షలు పోగొట్టుకున్నాడో వ్యక్తి. చివరకు హైదరాబాద్‌ సైబర్‌క్రైమ్‌ ఠాణాలో ఫిర్యాదుచేశారు. ఏసీపీ కె.వి.ఎం.ప్రసాద్‌ తెలిపిన వివరాల ప్రకారం.. సికింద్రాబాద్‌వాసి కరుణాకర్‌రెడ్డికి సామాజిక మాధ్యమంతో ఓ వ్యక్తి పరిచయమయ్యాడు. తర్వాత అతను వాట్సాప్‌కాల్‌ చేసి పాతికేళ్ల మా కంపెనీ ట్రేడింగ్‌లో నంబర్‌ వన్‌ సంస్థగా ఉందంటే బాధితుడు నమ్మేశాడు. ‘బీటీసీ వెల్త్‌ ఫేర్‌009’ అనే వాట్సప్‌ గ్రూప్‌తో బాధితుడి నంబరును అనుసంధానం చేసేశాడా మోసగాడు. తొలుత బాధితుడు రూ.లక్ష పెట్టగా లాభాలిచ్చారు. మరో రూ.8లక్షలు పెట్టగా రూ.90 లక్షలు లాభంగా చూపాడు.20 శాతం కమీషన్‌గా రూ.18లక్షలు క్రిప్టోరూపంలో, మరో 30శాతం పన్ను.. అలా మొత్తం రూ.27 లక్షలు దోచేశాడా మోసగాడు. చివరకు అందుబాటులో లేకుండా పోయాడు.