Aditya 369: తెర వెనుక జరిగింది ఇది!
ఆదిత్య 369 విడుదలై 30ఏళ్లు పూర్తి చేసుకుంది. అసలు ఈ సినిమా ఆలోచన ఎలా పుట్టింది? ఎలా ముందుకు తీసుకెళ్లారో తెలుసా?
జులై 18, 1991. సినిమా పేరు ‘ఆదిత్య 369’ హీరో బాలకృష్ణ రెండు, మూడు గెటప్పుల్లో కనిపిస్తున్నాడు. పోస్టర్ చూసి, శ్రీకృష్ణదేవరాయలు బహుశా ఇంత అందంగా ఉంటాడేమోనని అనుకుంటూ ప్రేక్షకుడు టికెట్ కొనుక్కొని థియేటర్లోకి వెళ్లి కూర్చొన్నాడు. సినిమా మొదలైంది. కాసేపటికి టైమ్ మెషీన్ కూడా స్టార్ట్ అయింది. అంతే హీరో బాలకృష్ణ, హీరోయిన్ మోహిని, సుత్తివేలుతో పాటు థియేటర్లో సినిమా చూస్తున్న ప్రతి ప్రేక్షకుడు కృష్ణదేవరాయల కాలానికి వెళ్లిపోయాడు. అష్టదిగ్గజాలతో కలిసి సభలో కూర్చొని కృష్ణ కుమారుడు చేసే అల్లరిని ఆస్వాదించాడు. ‘మేకకొక తోక’ పద్యానికి పగలబడి నవ్వాడు. అక్కడి నుంచి భవిష్యత్లోకి వెళ్లాడు. అణు యుద్ధంతో భూమి అంతా నాశనమై, భూగర్భంలో బతుకుతున్న మానవజాతిని కలిశాడు. టెక్నాలజీ సాయంతో మనుషులు ఎలా బతుకుతున్నారో ఆసక్తిగా గమనించారు. ఆఖరికి టైమ్ మెషీన్ పేలిపోయింది. నిట్టూరుస్తూ ఇంటికి వచ్చాడు. అయినా, మనసంతా టైమ్ మెషీన్ చుట్టూనే తిరిగింది. అంతలా ప్రేక్షకుడి మనసుపై ముద్రవేసిన క్లాసిక్ మూవీ ‘ఆదిత్య 369’. ఇప్పటికీ టీవీలో ప్రసారమైనా, యూట్యూబ్ సజెన్ వీడియోగా వచ్చినా వదిలి పెట్టకుండా చూసేవాళ్లు ఎందరో. అలా చిత్ర రాజం విడుదలై 30ఏళ్లు పూర్తి చేసుకుంది. అసలు ‘ఆదిత్య 369’ ఆలోచన ఎలా పుట్టింది? ఎలా ముందుకు తీసుకెళ్లారో తెలుసా?
అలా మొదలైంది..
వైవిధ్య చిత్రాలను ప్రేక్షకులకు చూపించాలని తపన పడే దర్శకుల్లో సింగీతం శ్రీనివాసరావు ఒకరు. అలా ఆయన ఒక రోజు ‘టైమ్ మెషీన్’ అనే నవలను చదివారు. దాన్ని స్ఫూర్తిగా తీసుకుని, తెలుగు ప్రేక్షకులకు, నేపథ్యానికి అనుగుణంగా సినిమా తీయాలని భావించారు. కథానాయకుడు భూతకాలంలోకి, భవిష్యత్లోకి ప్రయాణిస్తే, అతనికి ఎలాంటి పరిస్థితులు ఎదురయ్యాయన్న ఆలోచనతో కొంత స్క్రిప్ట్ రాసుకున్నారు. భూతకాలంలో కృష్ణదేవరాయల కాలానికి వెళ్లాలని ముందుగానే అనుకున్నారు. అయితే, భవిష్యత్లోకి వెళ్తే ఎలాంటి పరిస్థితులు ఉంటాయన్నదానిపై మాత్రం శ్రీనివాసరావుకు పెద్దగా ఆలోచన లేదు. దీంతో మరింత సమాచారం కోసం మద్రాసులోని అమెరికన్ లైబ్రరీకి వెళ్లి మరికొన్ని పుస్తకాలను అధ్యయనం చేశారు. ముఖ్యంగా భవిష్యత్లో నగరాలన్నీ భూమి లోపల నిర్మితమై ఉంటాయని, మనసులో అనుకున్న మాటలన్నీ పైకి స్పీకర్లో వినపడటం, ఇలా అనేక సన్నివేశాలు అనుకొని సేకరించిన సమాచారంతో కథను సిద్థం చేశారు.
ఇక ఈ సినిమా ఎవరితో చేద్దామా? అన్న ఆలోచనలో ఉండగా, ఒకరోజు చెన్నై నుంచి బెంగళూరుకు వెళ్తున్న ప్రముఖ గాయకుడు ఎస్పీ బాల సుబ్రహ్మణ్యంకు సింగీతం శ్రీనివాసరావు విమానంలో కనిపించారు. ఆ మాటా.. ఈ మాటా.. మాట్లాడుకుంటుండగా తాను ఒక స్టోరీలైన్ అనుకున్నానని, టైమ్ మెషీన్ చుట్టూ కథ తిరుగుతుందని సింగీతం చెప్పారు. టైమ్ మెషీన్ సాయంతో కథానాయకుడు భూత, భవిష్యత్ కాలాల్లోకి వెళ్తాడని, భూత కాలంలో శ్రీకృష్ణదేవరాయల నేపథ్యాన్ని తీసుకుందామని కథ వివరించారు. బాలూకీ కథ నచ్చింది. అదే సమయంలో ఆయన దగ్గరి బంధువైన శివలెంక కృష్ణప్రసాద్ వద్ద బాలకృష్ణ డేట్స్ ఉన్నాయి. ఈ కథ బాలకృష్ణకు బాగుంటుందని అన్నారు. ముఖ్యంగా శ్రీకృష్ణదేవరాయలు పాత్రకు బాలయ్య బాగుంటారని అభిప్రాయపడ్డారు.
కథానాయికగా విజయశాంతిని అనుకుంటే!
కథానాయకుడిగా బాలకృష్ణ ఓకే. హీరోయిన్గా విజయశాంతిని అనుకున్నారు. కానీ, ఆమె డేట్లు సర్దుబాటు చేయలేపోవడంతో పీసీ శ్రీరాంకు పరిచయం ఉన్న మోహినిని ఎంపిక చేశారు. ఇక సినిమాలో టైమ్ మెషీన్ తయారు చేసే శాస్త్రవేత్తగా విభిన్నంగా ఉంటారని హిందీ నటుడు టీనూ ఆనంద్ను తీసుకున్నారు. మిగిలిన పాత్రలకు అమ్రిష్పురి, గొల్లపూడి మారుతీరావు, బాబూమోహన్, తనికెళ్ల భరణి, సుత్తివేలు, చంద్రమోహన్, చలపతిరావు, సిల్క్స్మిత, శుభలేఖ సుధాకర్, బ్రహ్మానందం తదితరులను ఎంపిక చేశారు. మరోపక్క బాల నటులుగా తరుణ్, రాశి నటించారు. మాటలతో గారడీ చేసి, ప్రేక్షకుల మంత్రముగ్ధులను చేయగల రచయిత జంధ్యాలతో మాటలు రాయించారు. సంగీత దర్శకుడిగా మ్యూజిక్ మేస్ట్రో ఇళయరాజాను తీసుకున్నారు. కెమెరామెన్గా పీసీ శ్రీరామ్ను అనుకున్నా, ఇతర కారణాల వల్ల ఆయన తప్పుకొన్నారు. దీంతో వీఎస్ఆర్ స్వామి, కబీర్లాల్లకు ఆ బాధ్యతలు అప్పగించారు.
వేరే కథతో రాయలవారి కాలం..
రాయలవారి కాలానికి వెళ్లిన తర్వాత అక్కడ తొలుత అనుకున్న కథ వేరే ఉంది. శ్రీకృష్ణదేవరాయల వారి ఆస్థానంలో అష్టదిగ్గజాలు ఉన్నారన్న విషయం మనకు తెలిసిందే కదా! వారి మధ్య నెలకొన్న రాజకీయ వివాదాలను, విషయాలను ప్రధానంగా చర్చించాలని సింగీతం అనుకున్నారు. అయితే అది వివాదాస్పదమవుతుందని, చరిత్రను వక్రీకరించారంటూ వివాదాలు మొదలవుతాయని అనుకున్నారు. దీంతో సరదా సన్నివేశాలతో చిత్రీకరణ జరిపారు. అలా వచ్చినవే.. రాయలవారి దర్బారులో వచ్చే మేకతోకకు మేక.. తోక మేకకు తోక.. మేక తోక.. మేక.. మేక తోక.. సన్నివేశం, ‘సురమోదం..’ పాటలో మధ్యలో రంపంప రంప రంప.. అంటూ సాగే ర్యాప్తో పాటు సుత్తివేలు, శ్రీలక్ష్మిల మధ్య సన్నివేశాలు నవ్వులు పూయిస్తాయి.
బాలకృష్ణ చాలా కష్టపడ్డారు..!
ఈ సినిమా కోసం బాలకృష్ణ చాలా కష్టపడ్డారు. కృష్ణ కుమారుడిగా, శ్రీకృష్ణదేవరాయలుగా రెండు పాత్రలు పోషించారు. ముఖ్యంగా రాయలవారి పాత్రకోసం ఉదయం 8గంటలకు మేకప్తో వచ్చి కొన్నిసార్లు మరుసటి రోజు వరకూ పనిచేసేవారు. బరువైన కిరీటంతో గంటల పాటు పనిచేయాల్సి వచ్చేది. కొన్ని సన్నివేశాలు తెరకెక్కించడానికి మధ్యాహ్నం వరకూ సమయం ఉండేది. దర్శకులు కూడా బాలకృష్ణకు మధ్యాహ్నం షూటింగ్కు రమ్మనేవారు అయితే బాలకృష్ణ మాత్రం ఉదయం 8గంటలకే షూటింగ్కు వచ్చేవారు. పని విషయంలో అంత క్రమశిక్షణతో ఉండేవారు. కృష్ణదేవరాయల కాలం నాటి సన్నివేశాలను అన్నపూర్ణ స్టూడియోలో, తొలుత ‘టైమ్ మెషీన్’ కనపడే సన్నివేశాలకు మద్రాసు వాహినీ స్టూడియోల్లో సెట్స్ వేసి తెరకెక్కించారు. కొన్ని సన్నివేశాల కోసం టైమ్మెషీన్ను పెద్ద లారీలో వేసుకుని తలకోన అడవులకు కూడా తీసుకెళ్లారు. ఇక భవిష్యత్లోకి వెళ్లిన తర్వాత తెరకెక్కించాల్సిన సన్నివేశాలను వీజీపీ గోల్డెన్ బీచ్లో సెట్వేశారు.
టైటిల్ ‘కాలయంత్రం’ అని పెడదామనుకున్నారు!
సినిమా మొత్తం పూర్తవడానికి 110 రోజులు పట్టింది. అనంతరం గ్రాఫిక్స్ కోసం లండన్ వెళ్లారు. ఇక మూవీకి ఏ పెడదామని చాలా ఆలోచించారు. చాలామంది ‘కాలయంత్రం’ పెడతారనుకున్నారు. ‘యుగ పురుషుడు’ అనే టైటిల్ కూడా అనుకున్నారు. కానీ చివరకు కాలంతో పయనించే సూర్యుడికి మరో పేరు ఆదిత్యుడు. మెషీన్కు నెంబర్ ఉండాలి కదా అని 369. ఇలా ‘ఆదిత్య 369’గా పేరు పెట్టారు. మొత్తం సినిమా పూర్తవడానికి రూ.1.60కోట్లు ఖర్చు అయింది.
అలా 1991 జులై 18న ‘ఆదిత్య 369’ విడుదలైంది. చిన్నా, పెద్దా తేడా లేకుండా అందరినీ ఆకట్టుకుంది. బాలకృష్ణ సినీ ప్రస్థానంలో మైలురాయిగా నిలిచిపోయింది. ఈ చిత్రానికి కొనసాగింపుగా ‘ఆదిత్య 999’ త్వరలోనే పట్టాలెక్కిస్తానని బాలకృష్ణ ఇటీవల ప్రకటించారు. మరి ఈ సినిమా కథ ఏంటి? దర్శకుడు ఎవరు?బాలకృష్ణతో పాటు నటించే ఇతర నటీనటులు ఎవరు? తెలియాలంటే ఇంకొన్ని రోజులు ఆగాల్సిందే. ప్రస్తుతం అత్యున్నత సాంకేతిక పరిజ్ఞానం అందుబాటులో ఉన్న నేపథ్యంలో ‘ఆదిత్య 999’పై భారీ అంచనాలే ఉన్నాయి.
-ఇంటర్నెట్డెస్క్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
యువతరం.. వైవిధ్యమే తొలి విజయం: స్టార్ నటులు మెచ్చిన యంగ్ హీరోలెవరంటే?
విభిన్న కథలను ఎంపిక చేసుకుంటూ విజయాన్ని అందుకుంటున్న యంగ్ హీరోలపై ప్రత్యేక కథనం.. -
ఎవరీ అశ్వత్థామ.. కృష్ణుడు అతడికి ఇచ్చిన శాపం ఏంటి?
ప్రభాస్ (Prabhas) కథానాయకుడిగా నాగ్ అశ్విన్ దర్శకత్వంలో రూపొందుతున్న సైన్స్ ఫిక్షన్ మూవీ ‘కల్కి 2898 ఏడీ’ (Kalki 2898 AD). ఇందులో ప్రముఖ నటుడు అమితాబ్ బచ్చన్ అశ్వత్థామగా (Ashwathama) కనిపించనున్నారు. -
ఇక్కడ ప్రభాస్, విష్ణు.. అక్కడ రజనీకాంత్, కమల్ హాసన్: వీరి చిత్రాల స్పెషల్ ఏంటంటే?
ప్రముఖ నటులు కొందరు కలిసి నటిస్తున్న చిత్రాలపై ప్రత్యేక కథనం. ఎవరెవరు ఏయే సినిమాల్లో నటిస్తున్నారంటే? -
నాయికలు ‘తెర’ పంచుకుంటే.. వినోదం పెంచినట్టే
త్వరలో విడుదల కాబోయే సినిమాలు ప్రేక్షకులకు రెట్టింపు వినోదాన్ని పంచడానికి సిద్ధమవుతున్నాయి. అందుకు కారణం ఒకే మూవీలో ఇద్దరు/ ముగ్గురు హీరోయిన్లు కలిసి నటిస్తుండటమే.. -
సీనియర్ హీరోయిన్ల జోరు ‘తగ్గేదే లే’.. ఎవరెన్ని సినిమాలతో బిజీగా ఉన్నారంటే?
టాలీవుడ్ సీనియర్ హీరోయిన్లపై ప్రత్యేక కథనం. త్రిష, నయనతార, తమన్నా.. ఇలా ఎవరెవరు ఎన్ని సినిమాలతో సందడి చేసేందుకు సిద్ధంగా ఉన్నారంటే? -
పృథ్వీరాజ్ సుకుమారన్ బెస్ట్ మూవీస్.. ఇప్పుడు ‘ఆడుజీవితం’.. ఇంతకుముందు?
పృథ్వీరాజ్ సుకుమారన్ నటించిన ఉత్తమ చిత్రాలు ఏంటంటే..? -
ఆ అవార్డు అందుకున్న తొలి వ్యక్తిని నేనే అని తెలిసి షాకయ్యా.. అల్లు అర్జున్
నటుడు అల్లు అర్జున్ (Allu Arjun) పుట్టినరోజు నేడు. ఈ సందర్భంగా ఆయనకు సంబంధించిన పలు ఆసక్తికర విశేషాలు. -
రికార్డుల్లోనూ ఫస్టే ఈ నేషనల్ క్రష్.. రష్మిక ఖాతాలో ఘనతలెన్నో!
రష్మిక పుట్టినరోజు సందర్భంగా ఆమె సొంతంచేసుకున్న కొన్ని రికార్డులను చూద్దాం.. -
రామ్ చరణ్ బర్త్డే.. ఆయన బాల్యం గురించి ఈ విశేషాలు తెలుసా..?
టాలీవుడ్ ప్రముఖ హీరో రామ్ చరణ్ పుట్టినరోజు నేడు. ఈ సందర్భంగా ఆయన గురించి కొన్ని విశేషాలు.. -
Challenging Roles: పాత్రలకు ప్రాణం పోశారు.. పృథ్వీరాజ్ సుకుమారన్ ఇలా.. విక్రమ్ అలా!
పాత్రలకు ప్రాణం పోసేందుకు మానసికంగా, శారీరకంగా ఎంతగానో శ్రమించిన నటులు, వారి సినిమాల వివరాలివీ.. -
Tollywood Actresses: అగ్ర నాయికలు అలా రూటు మార్చి.. హాట్టాపిక్గా నిలిచి!
అగ్ర కథానాయిక- వర్ధమాన హీరో కాంబినేషన్లో వచ్చిన సినిమాల విశేషాలు.. -
Actors turned Directors: ధనుష్, ఉపేంద్ర, కంగన.. మళ్లీ మరో కోణాన్ని చూపించేందుకు...
స్వీయ దర్శకత్వంలో నటించిన హీరో/హీరోయిన్పై ప్రత్యేక కథనం. ఎవరు ఏ సినిమాతో అలరించేందుకు సిద్ధమయ్యారంటే? -
Alia Bhatt: అందుకు క్లాస్లో బెంచీలు తుడిచి.. బ్యాగ్రౌండ్ ఉన్నా ఆడిషన్ ఇచ్చి: అలియా భట్ బర్త్డే స్పెషల్
అలియా భట్ పుట్టినరోజు సందర్భంగా ఆమె గురించి పలు విశేషాలు.. -
Mamitha Baiju: గిరిజ, సాయి పల్లవిలా మమితా బైజు.. రాజమౌళి మెచ్చిన ఈ నటి ఎవరు?
యంగ్ హీరోయిన్ మమితా బైజును అగ్ర దర్శకుడు ప్రశంసించడం అందరి దృష్టినీ ఆకర్షించింది. ఎవరీ నటి? -
Comedians as Heros: కమెడియన్లు.. కథానాయకులై.. ఎవరెవరు ఏ సినిమాతో అలరించారంటే?
కమెడియన్లుగా కెరీర్ని ప్రారంభించి హీరోగాను సినిమాలు చేస్తున్న నటులపై ప్రత్యేక కథనం.. -
Krystyna Pyszkova: మనిషే కాదు.. మనసూ అందమే: మిస్ వరల్డ్ క్రిస్టినా గురించి ఆసక్తికర విశేషాలివీ
ప్రపంచ సుందరి-2024 కిరీటం దక్కించుకున్న క్రిస్టినా పిస్కోవా గురించి ఆసక్తికర విశేషాలు మీకోసం.. -
Miss World Pageant: తొలుత ‘బికినీ కాంటెస్ట్’గా.. 28 ఏళ్ల తర్వాత భారత్ ఆతిథ్యం.. ‘మిస్ వరల్డ్’ పోటీల సంగతులివీ!
భారత్ ఆతిథ్యంలో 71వ ఎడిషన్ ‘మిస్ వరల్డ్’ పోటీలు జరుగుతున్నాయి. శనివారం విజేతను ప్రకటించనున్నారు. ఈ సందర్భంగా ఈ అందాల పోటీల గురించి పలు ఆసక్తికర విశేషాలు.. -
Sini Shetty: మిస్ వరల్డ్ పోటీలు.. ‘బెస్ట్ డిజైనర్ డ్రెస్’ విజేతగా సినిశెట్టి
మిస్ వరల్డ్ 2024 పోటీల్లో భారత్కు ప్రాతినిధ్యం వహిస్తున్న సినిశెట్టి గురించి ఆసక్తికర విశేషాలివీ.. -
Movies in March: మార్చిలో మురిపించే చిత్రాలు.. వరుణ్ తేజ్ అలా.. ‘టిల్లు’ ఇలా!
మార్చిలో విడుదల కానున్న సినిమాలపై ప్రత్యేక కథనం. ఏ హీరో చిత్రం ఏ రోజు ప్రేక్షకుల ముందుకు రానుందంటే? -
Valentine Day: వాలంటైన్స్ డేకు రీరిలీజ్ కానున్న ప్రేమకథా చిత్రాలివే..
వాలంటైన్స్ డే సందర్భంగా గతంలో అలరించిన ప్రేమ కథాచిత్రాలు మరోసారి వినోదాన్ని పంచేందుకు సిద్ధమయ్యాయి. -
తొలి సినిమా ఫ్లాప్.. ‘బండమొహం వీడేం హీరో’ అన్నారు.. రీల్ కెరీర్ To పొలిటికల్ ఎంట్రీ.. విజయ్ లైఫ్ జర్నీ ఇదే!
Actor vijay: తల్లిదండ్రులకు సినీ నేపథ్యం ఉన్నా, నటుడిగా తనకంటూ తమిళనాట గుర్తింపు తెచ్చుకున్న విజయ్.. రాజకీయాల్లోకి అడుగు పెట్టారు. ఈ క్రమంలో ఇప్పటివరకూ ఆయన లైఫ్ జర్నీ ఎలా సాగింది?
తాజా వార్తలు (Latest News)
-
జైల్లో కేజ్రీవాల్ ఆరోగ్యంగానే..: ఎయిమ్స్ మెడికల్ బోర్డు..!
-
దాదాపు 900 రన్స్ చేశా.. చోటు దక్కకపోతే చాలా బాధపడతా: గిల్
-
ఆలిన్ హెర్బల్ పరిశ్రమలో మళ్లీ వ్యాపించిన మంటలు
-
రోడ్డుపై పల్టీలు కొట్టి, చెట్టుపై ఇరుక్కుపోయి: అమెరికా కారు ప్రమాదంలో 3 భారతీయులు దుర్మరణం
-
ఈ 20 ఏళ్లలో నా జుట్టు కూడా మారింది కానీ..: సుందర్ పిచాయ్
-
హాలీవుడ్కు వెళ్లాక భయపడ్డా.. ఆ భావన మనసును కుంగదీసింది: ప్రియాంక చోప్రా