Feedback | E-PAPER | Pratibha

Haripriya: ఒక్కటైన ‘కేజీయఫ్‌’ నటుడు, ‘పిల్ల జమీందార్‌’ నటి

‘కేజీయఫ్‌’ నటుడు వశిష్ఠ సింహా, ‘పిల్ల జమీందార్‌’ నటి హరిప్రియ పెళ్లి చేసుకున్నారు. వేడుకకు సంబంధించిన ఫొటోను మరో నటుడు ధనంజయ పంచుకున్నారు.

Published : 27 Jan 2023 01:27 IST

ఇంటర్నెట్‌ డెస్క్: కన్నడ నటులు వశిష్ఠ సింహా, హరిప్రియ వివాహ బంధంలోకి అడుగుపెట్టారు. కొంతకాలంగా ప్రేమించుకుంటున్న వీరు కుటుంబ సభ్యుల అంగీకారంతో ఒక్కటయ్యారు. వేడుకకు హాజరైన నటుడు ధనంజయ నూతన దంపతుల ఫొటోను సోషల్‌ మీడియాలో షేర్‌ చేస్తూ శుభాకాంక్షలు తెలిపారు. ఆయన పోస్ట్‌ వల్లే ఈ పెళ్లి వార్త అభిమానులకు తెలిసింది. వశిష్ఠ, హరిప్రియ ఇద్దరిలో ఎవరూ తమ పెళ్లి ఫొటోలను ఇంకా షేర్‌ చేయలేదు. వీరి వివాహం మైసూర్‌లో జరిగిందని సమాచారం.

‘తకిట తకిట’ సినిమాతో టాలీవుడ్‌లోకి ఎంట్రీ ఇచ్చిన హరిప్రియ ఆ తర్వాత నటించిన ‘పిల్ల జమీందార్‌’తో మంచి గుర్తింపు పొందారు. ‘అబ్బాయి క్లాస్‌ అమ్మాయి మాస్‌’, ‘ఈ వర్షం సాక్షిగా’, ‘జైసింహా’ చిత్రాల్లోనూ ఆమె కనిపించారు. ‘నారప్ప’తో తెలుగు ప్రేక్షకులను పలకరించిన వశిష్ఠ.. ‘నయీం డైరీస్‌’, ‘ఓదెల రైల్వేస్టేషన్‌’ చిత్రాల్లో నటించారు. ‘కేజీయఫ్‌’లోని కమల్‌ అనే పాత్ర ఆయనకు క్రేజ్‌ తెచ్చిపెట్టింది.

► Read latest Movies News and Telugu News

► Follow us on Facebook, Twitter, Instagram & Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.