Ajith Kumar: గుబురు గడ్డంతో అజిత్‌ న్యూ లుక్... ఏ సినిమా కోసమో మరి!

ఇంటర్నెట్‌ డెస్క్‌: తెల్ల జుత్తు, తెల్ల గడ్డం, నల్లకోటు, క్యూట్‌ కళ్లజోడుతో వారెవ్వా అనిపిస్తున్నారు ప్రముఖ నటుడు అజిత్‌ కుమార్‌. తన కుమారుడు అద్విక్‌ అజిత్‌కుమార్‌ పుట్టినరోజు సందర్భంగా దిగిన ఈ ఫొటోలు బయటకు వచ్చాయి. ప్రస్తుతం నెట్టింట వైరల్‌గా మారాయి. అజిత్‌ ట్రెండీ లుక్‌కు ఫిదా అయిన ఆయన అభిమానులు, నెటిజన్లు కామెంట్ల రూపంలో అభిప్రాయాలు పంచుకుంటున్నారు. సంబంధిత ఫొటోల్ని పోస్ట్‌ చేస్తూ ‘సూపర్‌’, ‘లుక్‌ అదిరింది’ అంటూ అభిమానాన్ని చాటుకుంటున్నారు. ఈ ఫొటోల్లో అజిత్‌తోపాటు ఆయన భార్య షాలిని, కూతురు, కొడుకు ఉన్నారు. తన తదుపరి చిత్రం కోసం అజిత్‌ ఇలా సన్నద్ధమవుతున్నారని సమాచారం. ఆయన హీరోగా నటించిన ‘వలిమై’ చిత్రం ఇటీవల విడుదలై ప్రేక్షకాదరణ పొందుతోంది.