Anek: ఓటీటీలో ‘అనేక్‌’.. స్ట్రీమింగ్ ఎక్కడంటే?

ఇంటర్నెట్‌డెస్క్‌: సరికొత్త కథాంశంతో ప్రేక్షకుల ముందుకు వచ్చిన పొలిటికల్‌ యాక్షన్‌ డ్రామా ‘అనేక్‌’. ఆయుష్మాన్‌ ఖురానా కథానాయకుడు. అనుభవ్‌ సిన్హా దర్శకుడు. మే 27న ప్రేక్షకుల ముందుకు వచ్చిన ఈ సినిమా మిశ్రమ స్పందనలు అందుకుంది. కాగా,  ఇప్పుడీ చిత్రం ప్రముఖ ఓటీటీ నెట్‌ఫ్లిక్స్‌లో విడుదల కానుంది. జూన్‌ 26 నుంచి ఈ సినిమాను స్ట్రీమింగ్‌కు అందుబాటులోకి తెస్తున్నట్లు నెట్‌ఫ్లిక్స్‌ తెలిపింది. ఈశాన్య రాష్ట్రాల్లోని తీవ్రవాద ముఠాలను అణచివేయడమే  ఇతివృత్తంగా ‘అనేక్‌’ తెరకెక్కించారు.  ఆయుష్మాన్‌ ఖురానా సాహసాలు, యాక్షన్‌ ఎపిసోడ్లు సినిమాలో ప్రత్యేక ఆకర్షణగా నిలిచాయి.. నటుడు జేడీ చక్రవర్తి హిందీలో పదేళ్ల తర్వాత ఈ సినిమాలో నటించడం విశేషం.