Atlee: షారుక్‌కు అట్లీ పాదాభివందనం.. వీడియో వైరల్‌

ఇంటర్నెట్‌ డెస్క్‌: అట్లీ-షారుక్‌ ఖాన్‌ కాంబోలో వచ్చిన  ‘జవాన్’(Jawan) భారీ విజయాన్ని సాధించి బాక్సాఫీస్‌ వద్ద కలెక్షన్ల వర్షం కురిపించింది. ఇప్పటికే పలు అవార్డులను సొంతం చేసుకున్న ఈ చిత్రం తాజాగా జీ సినీ అవార్డుల్లో కూడా సత్తా చాటింది. ఈ సినిమాకు ఉత్తమ దర్శకుడిగా అట్లీ అవార్డు అందుకున్నారు. దీన్ని ప్రకటించగానే పక్కనే ఉన్న షారుక్‌కు పాదాభివందనం చేసి స్టేజ్‌పైకి వెళ్లాడు. ప్రస్తుతం ఈ వీడియో సోషల్ మీడియాలో వైరల్ అవుతోంది. ఇది చూసిన వారంతా ఈ టాలెంటెడ్‌ దర్శకుడిపై ప్రశంసలు కురిపిస్తున్నారు.

ఉత్తమ నటుడిగా షారుక్‌ (Shah Rukh Khan) కూడా అవార్డును అందుకున్నారు. ఈ సందర్భంగా అట్లీకు థ్యాంక్స్‌ చెప్పారు. ‘ఇంత గొప్ప కథకు నన్ను ఎంపిక చేసుకున్నందుకు దర్శకుడికి కృతజ్ఞతలు. ఈ సినిమా కోసం సౌత్‌ ఇండియాలోని తన ఇంటిని వదిలి ముంబయిలో ఉన్నారు. ఆయన కుటుంబం కూడా సహకరించింది. దీని కోసం నాలుగేళ్లు అవిశ్రాంతంగా కృషి చేసిన అట్లీకు, ఆయన టీమ్‌కు ధన్యవాదాలు’ అని చెప్పారు.

స్టాక్‌మార్కెట్‌.. రూ.కోట్లలో నష్టపోయా: రఘు

అట్లీ (Atlee) తెరకెక్కించిన తొలి బాలీవుడ్‌ చిత్రం ‘జవాన్‌’. గతేడాది సెప్టెంబర్‌ 7న ప్రేక్షకుల ముందుకు వచ్చిన ఈ చిత్రం రూ.1000కోట్లకు పైగా వసూళ్లు చేసింది. ప్రస్తుతం ఆయన వరుస సినిమాలతో అలరించడానికి సిద్ధమవుతున్నారు. ఇప్పటికే షారుక్‌-విజయ్‌లతో ఓ మల్టీస్టారర్‌ను ప్రకటించారు. ఇది రూ.3000 కోట్లు కచ్చితంగా వసూళ్లు చేస్తుందంటూ ధీమా వ్యక్తం చేశారు. అలాగే కోలీవుడ్‌ హీరో అజిత్‌ కుమార్‌ (Ajith)కోసం కూడా స్క్రిప్ట్‌ సిద్ధంగా ఉన్నట్లు చెప్పారు. ఇక వీటితో పాటు అల్లు అర్జున్‌తో కూడా ఓ ప్రాజెక్ట్‌ లైన్‌లో ఉన్నట్లు టాక్ వినిపిస్తోంది.