Butterfly: నటనతో అదరగొట్టేసిన అనుపమ

హైదరాబాద్‌: వరుస గ్లామర్ రోల్స్‌లో మెప్పించిన అనుపమ పరమేశ్వరన్‌ ప్రధాన పాత్రలో నటిస్తోన్న సస్పెన్స్‌ థ్రిల్లర్‌ ‘బటర్‌ఫ్లై’. గంటా సతీష్‌ బాబు దర్శకుడు. కథానాయిక ప్రాధాన్యమున్న చిత్రంగా ఇది రూపుదిద్దుకుంటోంది. ప్రస్తుతం చిత్రీకరణ దశలో ఉన్న ఈ సినిమా నుంచి గురువారం టీజర్‌ విడుదలైంది. ‘‘మీ కళ్లను నమ్మకండి. మీ మైండ్‌ని నమ్మకండి. మరి ఏం నమ్మాలి?’’అంటూ సాగే ఈ టీజర్‌లోని ప్రతి సన్నివేశం ప్రేక్షకుల్ని ఉత్కంఠకు గురి చేసేలా ఉంది. ప్రతి సీన్‌లో అనుపమ నటన అదరగొట్టేసేలా సాగింది. టీజర్‌ బట్టి చూస్తుంటే ఓ సైకలాజికల్‌ థ్రిల్లర్‌ వలే ఇది రూపుదిద్దుకుంటున్నట్లు తెలుస్తోంది.