మన్యంలో చరణ్‌ దంపతుల సందడి

హైదరాబాద్‌: ‘ఆచార్య’ సినిమా చిత్రీకరణలో భాగంగా తూర్పుగోదావరి జిల్లా దేవీపట్నం మండలం ఎ.వీరవరంలో రామ్‌చరణ్‌ దంపతులు సందడి చేశారు. సినిమా చిత్రీకరణ నేపథ్యంలో ఎ.వీరవరం, కొత్త అంగుళూరు వద్ద గోదావరి ఒడ్డున ‘ఆచార్య’ పాట చిత్రీకరణ చేశారు. దీంతో రామ్‌చరణ్‌ను చూడటానికి అభిమానులు ఆ ప్రాంతానికి భారీగా చేరుకున్నారు.

విద్యార్థులతో ఉపాసన ముచ్చట్లు

దేవీపట్నంలోని పాఠశాల విద్యార్థులతో రామ్‌చరణ్‌ సతీమణి ఉపాసన ముచ్చటించారు. గురువారం దేవీపట్నం వచ్చిన ఆమె తొయ్యేరు జడ్పీ ఉన్నత పాఠశాల విద్యార్థులతో కాసేపు సరదాగా మాట్లాడారు. పలువురు విద్యార్థినులు ఆమెతో సెల్ఫీలు దిగారు.