Dhanush: శేఖర్‌ కమ్ములతో ప్రాజెక్ట్‌ ఫిక్స్‌

అధికారిక ప్రకటన వచ్చేసింది

హైదరాబాద్‌: కోలీవుడ్‌ స్టార్‌ హీరో ధనుష్‌ కొత్త ప్రాజెక్ట్‌ ఖరారైంది. క్లాసిక్‌ ప్రేమకథా చిత్రాలకు టాలీవుడ్‌లో కేరాఫ్‌ అడ్రస్‌గా చెప్పుకునే ప్రముఖ దర్శకుడు శేఖర్‌కమ్ముల డైరెక్షన్‌లో ధనుష్‌ తన తదుపరి చిత్రాన్ని చేయనున్నారు. శ్రీ వెంకటేశ్వర సినిమాస్‌ బ్యానర్‌పై రూపుదిద్దుకోనున్న ఈ చిత్రానికి నారాయణ్‌ దాస్‌ నారంగ్‌, రామ్మోహన్‌రావు నిర్మాతలుగా వ్యవహరించనున్నారు.

తమిళం, తెలుగు, హిందీ భాషల్లో ఈ సినిమా తెరకెక్కనున్నట్లు చిత్ర నిర్మాణ సంస్థ ప్రకటించింది. ఈ చిత్రానికి సంబంధించిన మరిన్ని వివరాలు తెలియాల్సి ఉంది. మరోవైపు, ప్రస్తుతం ‘లవ్‌స్టోరీ’ పనుల్లో బిజీగా ఉన్నారు దర్శకుడు శేఖర్‌కమ్ముల. అలాగే, బాలీవుడ్‌లో తెరకెక్కనున్న ‘అత్రాంగి రే’, హాలీవుడ్‌లో రానున్న ‘ది గ్రే మ్యాన్‌’ షూట్స్‌తో ధనుష్‌ ఫుల్‌ బిజీగా ఉన్నారు.