Geetha Madhuri: గీతా మాధురి కుమారుడి బారసాల.. టాలీవుడ్‌ స్టార్‌ హీరో పేరు..

ఇంటర్నెట్‌ డెస్క్‌: గాయని గీతామాధురి (Geetha Madhuri) ఫిబ్రవరి 10న పండంటి మగబిడ్డకు జన్మనిచ్చారు. తాజాగా ఆ బాబుకు బారసాల కార్యక్రమం నిర్వహించారు. ప్రస్తుతం దీనికి సంబంధించిన ఫొటోలు నెట్టింట వైరల్‌ అవుతున్నాయి. ఆ బాబుకు టాలీవుడ్‌ స్టార్‌ హీరో పేరు కలిసొచ్చేలా నామకరణం చేశారు. ‘ధృవధీర్‌ తారక్‌’ అని పెట్టినట్లు గీతా తెలిపారు. టాలీవుడ్‌ సంగీత దర్శకులు ఈ కార్యక్రమానికి హాజరయ్యారు. పాప, బాబుతో తమ జీవితాల్ని సంపూర్ణం చేసుకున్న గీత-నందు దంపతులకు సెలబ్రిటీలు, ఫ్యాన్స్‌ నుంచి శుభాకాంక్షలు వెల్లువెత్తుతున్నాయి. ‘ఫిబ్రవరి 10న మాకు కొడుకు పుట్టాడు.. మా జీవితాల్లోకి ఆనందం తెచ్చాడు..’ అంటూ నందు తాజాగా ఓ సందర్భంలో పంచుకుంటూ మురిసిపోయిన సంగతి తెలిసిందే.

గాయనిగా గీతా మాధురికి తెలుగులో మంచి పేరు ఉంది. ఎన్నో చిత్రాల్లో ఆమె సూపర్‌హిట్‌ పాటలు పాడారు. కెరీర్‌లో రాణిస్తోన్న తరుణంలోనే నటుడు నందుతో ఏడడుగులు వేశారు. 2014లో వీరి వివాహం జరిగింది. నందు కూడా పలు సినిమాలతో ఆకట్టుకున్నారు. చివరిసారి ‘బొమ్మ బ్లాక్‌బస్టర్‌’ అనే మూవీ చేశారు.