రివ్యూ: థప్పడ్
వైవిధ్యమైన కథలను, పాత్రలను ఎంచుకుంటూ బాలీవుడ్లో దూసుకుపోతున్న కథానాయిక తాప్సి. ఒకప్పుడు కేవలం గ్లామర్పాత్రలకే పరిమితమైన నటి ఇప్పుడు కథా బలమున్న చిత్రాల్లో నటించి మంచి గుర్తింపు తెచ్చుకుంటోంది. గతేడాది ‘మిషన్ మంగళ్’, ‘సాండ్ కి ఆంఖ్’ చిత్రాల్లో నటించి...
చిత్రం: థప్పడ్
నటీనటులు: తాప్సి, పావిల్ గులాటి, రత్న పాథక్ షా, తన్వి అజ్మీ, రామ్ కపూర్, కుముద్ మిశ్రా తదితరులు
సంగీతం: అనురాగ్ సైకియా, మంగేశ్ థాకడే
సినిమాటోగ్రఫీ: సౌమిక్ ముఖర్జీ
ఎడిటింగ్: యషా రామచందాని
నిర్మాతలు: భూషణ్కుమార్, కృష్ణన్ కుమార్, అనుభవ్ సిన్హా
రచన, దర్శకత్వం: అనుభవ్ సిన్హా
బ్యానర్: బెనారస్ మీడియా వర్క్స్
విడుదల తేదీ: 28-02-2020
వైవిధ్యమైన కథలను, పాత్రలను ఎంచుకుంటూ బాలీవుడ్లో దూసుకుపోతున్న కథానాయిక తాప్సి. ఒకప్పుడు కేవలం గ్లామర్పాత్రలకే పరిమితమైన నటి ఇప్పుడు కథా బలమున్న చిత్రాల్లో నటించి మంచి గుర్తింపు తెచ్చుకుంటోంది. గతేడాది ‘మిషన్ మంగళ్’, ‘సాండ్ కి ఆంఖ్’ చిత్రాల్లో నటించి మెప్పించింది. ఇక దర్శకుడు అనుభవ్సిన్హాది కూడా భిన్నమైన దారే. ‘ముల్క్’, ‘ఆర్టికల్ 15’ వంటి చిత్రాలతో అందరి ప్రశంసలు అందుకున్నారు. ఇప్పుడు వీరిద్దరి కాంబినేషన్లో వచ్చిన మరో వైవిధ్యమైన కథ ‘థప్పడ్’. శుక్రవారం ప్రేక్షకుల ముందుకు వచ్చిన ఈ సినిమా ఎలా ఉంది? తాప్సీ ఏ మేరకు అలరించింది. అనుభవ సిన్హా మరోసారి తన దర్శకత్వంతో మెప్పించారా?
కథేంటంటే: అమృత(తాప్సి), విక్రమ్(పావిల్ గులాటి) భార్య భర్తలు. అందమైన జోడీ. ఎంతో అన్యోన్యంగా ఉంటారు. ఒకరంటే ఒకరికి ప్రేమ, అనురాగం. అమృత తన జీవితానికి సంబంధించి ఎన్నో కలలుకంటుంటుంది. భార్యపై ప్రేమ ఉన్నా విక్రమ్ది సగటు మగాడి మనస్తత్వం. ఇంట్లో తన మాటే నెగ్గాలని అనుకుంటాడు. విక్రమ్కు ప్రమోషన్ వచ్చిన తర్వాత యూకే వెళ్లిపోవాలని అనుకుంటారు. ఈ నేపథ్యంలో ఒక రోజు ఇద్దరూ కలిసి ఓ శుభకార్యానికి వెళ్తారు. అక్కడ చిన్న అపశ్రుతి చోటు చేసుకుంటుంది. ఈ కారణంతో అందరి ముందే విక్రమ్ తన భార్య అమృతను చెంపదెబ్బ కొడతాడు. దీంతో అమృత తీవ్ర మనస్థాపానికి గురవుతుంది. చివరకు అది విడాకుల వరకూ దారి తీస్తుంది. ప్రేమతో పాటే ఆత్మగౌరవం కూడా ముఖ్యమని భావించే అమృత తన విక్రమ్ను తిరిగి కలిసిందా? లేక విడిపోయిందా? వీరి మధ్య సయోధ్య ఎలా కుదిరింది? అన్నది తెరపై చూడాలి.
ఎలా ఉందంటే: భార్యపై భర్త చేయిచేసుకోవడం అనే చిన్న లైన్ను సినిమా తీయొచ్చని ఎవరూ ఊహించి ఉండరు. మహా అయితే సందేశం ఇచ్చేలా షార్ట్ ఫిల్మ్ తీస్తారేమో. కానీ, అనుభవ్ సిన్హా దీన్నో చక్కని చిత్రంగా తీర్చిదిద్దాడు. భార్యపై అందరి ముందు భర్త చేయి చేసుకోవడం అన్నది ఒక సగటు మహిళగా ఆమె ఆత్మగౌరవానికి సంబంధించింది. చెంపదెబ్బ వల్ల కలిగే బాధకన్నా అందరి ఎదుట తనపై చేయి చేసుకోవడాన్నీ ఏ మహిళా జీర్ణించుకోలేదు. ఒక మహిళపై పురుషుడు చేయి చేసుకున్నాడంటే, ఆమెను తనకన్నా తక్కువగా చూడటం, బలహీనురాలని, కొట్టినా తిరిగి చేయి చేసుకోలేదన్న ధీమాతోనే చాలా మంది ఇలాంటి చర్యలకు పాల్పడతారు. కొన్ని సందర్భాల్లో అనుకోకుండా చేయిచేసుకున్నా అది కూడా గృహహింస కిందకే వస్తుంది. ఎందుకంటే ఇక్కడ స్త్రీ, పురుష భేదం లేదు. ఇదే విషయాన్ని అనుభవ్ సిన్హా చెప్పాలనుకున్నారు. ఈ నేపథ్యంలో న్యాయపరంగా వచ్చే అనేక ప్రశ్నలకు ఈ చిత్రంలో సమాధానం ఇచ్చారు. చెంపదెబ్బ కొట్టాడన్న దాని కన్నా ఆ మహిళకు జరిగిన అవమానం ప్రధాన ఇతివృత్తంగా తీసుకుని, దాన్ని భావోద్వేగాలతో తీర్చిదిద్దాడు దర్శకుడు. మహిళల మనోభావాలను చక్కగా చూపించారు.
మొదట అమృత, విక్రమ్ల మధ్య బంధాన్ని చూపించిన దర్శకుడు చెంప దెబ్బ సన్నివేశంతో కథ కీలక మలుపు తిప్పాడు. తీవ్ర మనస్థాపానికి గురైన అమృత విడాకులు కోరటం, ఆమెకు సర్దిచెప్పే ప్రయత్నం చేసినా, దాన్ని తన ఆత్మగౌరవానికి జరిగిన అవమానంగా భావించి న్యాయపరంగా వెళ్లడం తదితర సన్నివేశాలను ఆసక్తికరంగా తీర్చిదిద్దాడు దర్శకుడు. ‘కేవలం చెంప దెబ్బకే విడాకులు తీసుకోవాలా’ అని ప్రశ్నించే వారికి ‘అది కేవలం చెంప దెబ్బ అని ఇప్పుడు వదిలేస్తే భవిష్యత్లో తగిలే మరెన్నో దెబ్బలను మౌనంగా భరించాల్సి వస్తుంది’ అని అమృత చెప్పే సమాధానం మనల్ని కదిలిస్తుంది. నేటి సమాజంలో భర్త కోపంతో కొట్టినా, అనుకోకుండా కొట్టినా కన్నీళ్లను ఒత్తుకుని, తమలో తామే కుమిలిపోతూ కాపురం చేసే భార్యలు ఎంతో మంది మన కళ్ల ముందు కనపడతారు. దర్శకుడు ఈ పాయింట్నే భార్యపై ఏ పరిస్థితుల్లో చేయి చేసుకున్నా అది గృహ హింస కిందే వస్తుందని ఎంతో చక్కగా చెప్పాడు. పైగా మహిళపై చేయించుకోవడం గొప్పతనమని భావించే పురుషులకు ఈ చిత్రం జ్ఞానోదయం కలిగిస్తుంది. మీరు ఛాందస్సవాదులైతే సినిమా చూస్తున్నంత సేపు మిమ్మల్ని గొప్పగా ఊహించుకుంటూ సినిమాను కొట్టిపారేస్తారు. అదే ఏమాత్రం ఆలోచించేవారైనా తెరపై చూపించింది నిజమే కదా! అని తప్పకుండా అనిపిస్తుంది. భావోద్వేగాలు అదే స్థాయిలో ఉంటాయి.
ఎవరెలా చేశారంటే: ‘ఈ సమాజంలో మార్పు తీసుకురావాలంటే నా పని నన్ను చేయనీయండి. మీ పని మీరు చేసుకోండి’ ఇటీవల తాప్సి చెప్పిన మాట ఇది. ఇది అక్షర సత్యం. తాప్సి మరోసారి తన నటనతో కట్టిపడేసింది. అందరి ముందు అవమానించబడ్డ భార్య అమృత పాత్రలో చాలా బ్యాలెన్స్డ్గా నటించింది. ఆమె పాత్రకు సంభాషణలు కూడా తక్కువ. భావోద్వేగ సన్నివేశాల్లో మనతోనూ కంటతడి పెట్టిస్తుంది. ఈ చిత్రంలో చెప్పుకోదగిన పాత్ర కుముద్ మిశ్రా. అమాయకత్వం కలబోసిన పాత్రలో ఆయన నటన మెప్పిస్తుంది. అమృత భర్త విక్రమ్ పాత్రలో పావిల్ గులాటి పర్వాలేదనిపించాడు. మిగిలిన వాళ్లు తమ పరిధి మేరకు నటించారు.
సాంకేతికంగా అనురాగ్ సైకియా, మంగేశ్ థాకడేల సంగీతం బాగుంది. దర్శకుడు అనుభవ్ సిన్హా చాలా చిన్న లైన్ను తీసుకుని చక్కని సినిమాగా మలిచారు. భార్య అంటే చిన్నచూపు ఉండే భర్తలకు ఈ చిత్రం ఒక కనువిప్పు. అందరి భర్తలకు ఈ సినిమా రుచించకపోవచ్చు. కానీ, ఇదే వాస్తవం. ఎంతో కాలంగా సమాజంలో జరుగుతున్న ఘటనలను చక్కగా చూపించారు. నిర్మాణ విలువలు బాగున్నాయి.
బలాలు | బలహీనతలు |
+ కథ | - నిడివి |
+ తాప్సీ నటన | |
+ దర్శకత్వం |
చివరిగా: పురుష అహంకార ధోరణిపై ‘థప్పడ్’
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: క్రాక్.. విద్యుత్ జమ్వాల్ స్పోర్ట్స్ యాక్షన్ ఫిల్మ్ ఎలా ఉందంటే?
విద్యుత్ జమ్వాల్ నటించిన స్పోర్ట్స్ యాక్షన్ మూవీ ‘క్రాక్’. ఓటీటీ ‘డిస్నీ+ హాట్స్టార్’లో స్ట్రీమింగ్ అవుతోంది. -
రివ్యూ: రత్నం.. విశాల్ నటించిన యాక్షన్ డ్రామా మెప్పించిందా?
Rathnam movie review: విశాల్ కథానాయకుడిగా హరి దర్శకత్వంలో వచ్చిన యాక్షన్ ఫిల్మ్ తెలుగు ప్రేక్షకులను మెప్పించిందా? -
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే?
తాజా వార్తలు (Latest News)
-
ఈనాడు.నెట్లో టాప్ 10 వార్తలు @ 9 PM
-
అతిపెద్ద ఎయిర్పోర్టు.. 400 గేట్లు.. రూ.2.9 లక్షల కోట్ల ఖర్చు!
-
చైనాతో చర్చలు.. భారత్ ఎప్పుడూ తలవంచదు: రాజ్నాథ్ సింగ్
-
ఎస్బీఐ కార్డు నుంచి 3 ట్రావెల్ క్రెడిట్ కార్డులు.. ప్రయోజనాలివే..!
-
అత్యాచారం చేసి.. కాల్చిన ఇనుప రాడ్డుతో ముఖంపై పేరు రాసి..
-
శెభాష్ గుకేశ్.. ₹75 లక్షలు అందజేసిన సీఎం స్టాలిన్