ఎస్‌ఆర్‌కే కాలేజ్‌లో ‘పలాస’ చిత్ర బృందం సందడి

విజయవాడ: రక్షిత్‌, నక్షత కీలక పాత్రల్లో కరుణ కుమార్‌ దర్శకత్వం వహిస్తున్న చిత్రం ‘పలాస 1978’. దాదాపు చిత్రీకరణ పూర్తి చేసుకున్న ఈ సినిమాను త్వరలోనే ప్రేక్షకుల ముందుకు తీసుకురానున్నారు. ఈ సందర్భంగా ప్రచార కార్యక్రమాలను చిత్ర బృందం ముమ్మరం చేసింది. గురువారం విజయవాడ ఎస్‌ఆర్‌కే కాలేజ్‌లో సందడి చేసింది. హీరో రక్షిత్‌, హీరోయిన్‌ నక్షత్రలు విద్యార్థులతో కలిసి ఆడిపాడారు. వారితో కలిసి సెల్ఫీలు దిగారు.

శ్రీకాకుళం పరిసర ప్రాంతాల్లో చోటు చేసుకున్న యథార్థ సంఘటన ఆధారంగా ఈ సినిమా తెరకెక్కించామని యువత ఆదరించాలని చిత్ర బృందం కోరింది. ప్రముఖ గాయకుడు రఘుకుంచె విలన్‌ పాత్రలో కనిపించనుండటం విశేషం. ఆయనే సంగీతం అందిస్తున్నారు.