Manchu Vishnu: వీడియో చూసి కన్నీళ్లు పెట్టుకున్న మంచు విష్ణు

హైదరాబాద్‌: తన కుమార్తెలు అరియానా, వివియానా ఇచ్చిన సర్‌ప్రైజ్‌ చూసి భావోద్వేగానికి గురయ్యారు నటుడు మంచు విష్ణు (Manchu Vishnu). వాళ్లు ఇచ్చిన బహుమతి చూసి తనకు కన్నీళ్లు వచ్చేశాయంటూ ఆయన ట్వీట్‌ చేశారు. ఇంతకీ వాళ్లు ఇచ్చిన సర్‌ప్రైజ్‌ ఏమిటంటే..!

మంచు విష్ణు - ఆయన సతీమణి విరానికా బుధవారం వివాహ 15వ వార్షికోత్సవాన్ని కుటుంబసభ్యులతో సంతోషంగా చేసుకున్నారు. ఇందులో భాగంగా అరియానా, వివియానా తన తల్లిదండ్రులను సర్‌ప్రైజ్‌ చేస్తూ ఓ వీడియోను బహుమతిగా అందించారు. ఈ వీడియోలో విష్ణు- విరానికాకు సంబంధించిన మోస్ట్‌ స్పెషల్‌ మూమెంట్స్‌ అన్నింటినీ పొందుపరిచారు. ‘మై ఫాదర్‌ లవ్స్‌ మై మామ్‌’ అంటూ ఓ పాటనూ ఆలపించారు. దీనికి సంబంధించిన వీడియోను విష్ణు ట్విటర్‌ వేదికగా షేర్‌ చేస్తూ.. ‘‘ఈ సాంగ్‌ పూర్తయ్యే సమయానికి నా కళ్లలో నీళ్లు తిరిగాయి. థ్యాంక్యూ డార్లింగ్స్‌. మీరిచ్చిన ఈ సర్‌ప్రైజ్‌ను నేను ఎప్పటికీ మర్చిపోను’’ అని రాసుకొచ్చారు. మరోవైపు.. విష్ణు నటించిన ‘జిన్నా’ చిత్రంలోనూ వీరిద్దరూ ఫ్రెండ్‌షిప్‌ పాట పాడి ప్రేక్షకులను అలరించారు.