Indraja: కించపరచాలనే ఉద్దేశంతో ‘రజాకార్‌’ని తీయలేదు: ఇంద్రజ

ఇంటర్నెట్‌ డెస్క్‌: రజాకార్ల పీరియడ్‌లో ఏం జరిగిందనేదాన్ని మాత్రమే ‘రజాకార్‌’ (Razakar) సినిమాలో చూపించే ప్రయత్నం చేశామని, ఎవరినీ కించపరచాలనే ఉద్దేశంతో తీయలేదని సీనియర్‌ నటి ఇంద్రజ (Indraja) అన్నారు. ఆమె కీలక పాత్ర పోషించిన ఈ సినిమాని దర్శకుడు యాటా సత్యనారాయణ తెరకెక్కించారు. గూడూరు నారాయణ రెడ్డి నిర్మాత. బాబీ సింహా, వేదిక, అనుష్య త్రిపాఠి, ప్రేమ, మకరంద్‌ దేశ్‌పాండే తదితరులు నటించిన ఈ సినిమా మార్చి 15న తెలుగు, తమిళం, మలయాళం, కన్నడ, మరాఠీ, హిందీ భాషల్లో విడుదల కానుంది. ఈ సందర్భంగా  చిత్ర బృందం హైదరాబాద్‌లో ప్రీ రిలీజ్‌ ఈవెంట్‌ని బుధవారం నిర్వహించింది. నటుడు, దర్శకుడు ఆర్‌. నారాయణ మూర్తి, కామారెడ్డి ఎమ్మెల్యే వెంకట రమణారెడ్డి తదితరులు ముఖ్య అతిథులుగా పాల్గొని, సినిమా విజయం సాధించాలని ఆకాంక్షించారు.

ఇంద్రజ మాట్లాడుతూ.. ‘‘నారాయణ రెడ్డి ఎక్కడా రాజీ పడకుండా సినిమాని నిర్మించారు. సత్యనారాయణకు దర్శకత్వం కొత్తే అయినా అనుభవం ఉన్న వ్యక్తిగా అద్భుతంగా తెరకెక్కించారు’’ అని తెలిపారు. ఇది సాధారణ సినిమా కాదని నారాయణ మూర్తి పేర్కొన్నారు.