Published : 09/01/2022 15:46 IST

Rajamouli: సినిమా కోసం ఫ్రిజ్‌లో ‘ఈగ’లు.. రాజమౌళి ఎందుకలా చేశారంటే?

ఇంటర్నెట్‌ డెస్క్‌: తాను అనుకున్న ఔట్‌పుట్‌ వచ్చేంతవరకూ దర్శకుడు రాజమౌళి ప్రతి సన్నివేశాన్నీ చెక్కుతూనే ఉంటారు. అందుకే ఆయన్ను ‘జక్కన్న’ అని సినీ ప్రియులు ముద్దుగా పిలుస్తుంటారు. ‘ప్రతి సౌకర్యం వెనక ఓ మినీ యుద్ధం’ ఉన్నట్టే  ప్రతి కథ వెనకా రాజమౌళి రీసెర్చ్‌ తప్పక ఉంటుంది. అందుకే ఆయన స్టార్‌ హీరోలతోనే కాకుండా ‘ఈగ’తోనూ రికార్డు సృష్టించారు. దర్శకదిగ్గజాలెందరినో ఆశ్చర్యానికి గురిచేశారు. ‘ఈగ’ చిత్రం కోసం రాజమౌళి ఏం చేశారో నటులు జూనియర్‌ ఎన్టీఆర్‌, రామ్‌చరణ్‌ తెలిపారు. ‘ఆర్‌ఆర్‌ఆర్‌’ సినిమా ప్రచారంలో భాగంగా ఆసక్తికర విషయాన్ని వారు ఇటీవల పంచుకున్నారు.

‘ఈగ’ సినిమాకు పనిచేసిన సమయంలో రాజమౌళి కొన్ని ఈగలను ఫ్రిజ్‌లో ఉంచారని, ఆ ఫ్రిజ్‌లో ఆహారంకంటే ఈగలే ఎక్కువగా ఉండేవని జూనియర్‌ ఎన్టీఆర్‌ చెప్పారు. రాజమౌళి ఇలా చేయడానికి కారణమేంటో రామ్‌చరణ్‌ తెలిపారు. ఈగల సుప్తావస్థ (హైబర్‌నేషన్‌) గురించి తెలుసుకునేందుకే ఆయన అలా చేశారన్నారు. గడ్డకట్టే ఉష్ణోగ్రతలో వాటి మనుగడ ఎలా ఉంటుందో చెక్‌ చేసేవారని తెలిపారు. టీమ్‌తో కలిసి ఈగల గురించి ప్రతి అంశాన్ని సుదీర్ఘంగా చర్చించేవారన్నారు. ఈగల గురించి అంతలోతుగా తెలుసుకున్నారు కాబట్టే రాజమౌళి అంతటి అద్భుతమైన చిత్రాన్ని తీయగలిగారు. నాని, సమంత ప్రధాన పాత్రల్లో తెరకెక్కిన ఈ సినిమా బాక్సాఫీసు వద్ద ఘన విజయం అందుకుంది. సుదీప్‌ విలనిజం ఎంతగానో ఆకట్టుకుంది. 2012లో విడుదలైన ఈ సినిమా 2 జాతీయ అవార్డులు, 3 సైమా అవార్డులు, 5 సౌత్‌ ఫిల్మ్‌ఫేర్‌ అవార్డులు సాధించింది.


Read latest Movies News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని