Kranti: ఓటీటీలో దర్శన్‌ ‘క్రాంతి’.. స్ట్రీమింగ్‌ ఎప్పుడంటే?

ఇంటర్నెట్‌డెస్క్‌: ఒక భాషలో విజయవంతమైన చిత్రాలను ఇతర భాషల్లోకి డబ్‌ చేసి ఓటీటీ సంస్థలు అందుబాటులోకి తీసుకొస్తున్న సంగతి తెలిసిందే. ఇప్పుడు ఆ జాబితాలో కన్నడ చిత్రం ‘క్రాంతి’ (Kranti on OTT) చేరింది. దర్శన్ కథానాయకుడిగా వి.హరికృష్ణ దర్శకత్వంలో తెరకెక్కిన చిత్రమిది. రచితరామ్‌ కథానాయిక. జనవరి 26న కేవలం కన్నడలో విడుదలైన ఈ యాక్షన్‌ డ్రామా మిశ్రమ స్పందనలు అందుకుంది. ఇప్పుడు ఓటీటీలో వేదికగా సందడి చేసేందుకు సిద్ధమైంది. ప్రముఖ ఓటీటీ అమెజాన్‌ ప్రైమ్‌వీడియో వేదికగా ఫిబ్రవరి 23వ తేదీ నుంచి స్ట్రీమింగ్‌ కానుంది. కన్నడతో పాటు, తెలుగు, తమిళ, మలయాళ భాషల్లో ఈ సినిమాను అందుబాటులో ఉండనుంది.