Nithiin: ఇది శాంపిల్‌ మాత్రమే.. అసలైన వేట ముందుంది: నితిన్‌

హైదరాబాద్‌: ఇప్పటి వరకూ యూత్‌ఫుల్‌, కుటుంబ కథా చిత్రాలతో ప్రేక్షకుల్ని అలరించిన నితిన్‌..  తొలిసారి సీరియస్‌ కథతో మెప్పించేందుకు సిద్ధమవుతున్నారు. ఆయన కథానాయకుడిగా నటిస్తోన్న చిత్రం ‘మాచర్ల నియోజకవర్గం’. రాజశేఖర్‌ రెడ్డి దర్శకత్వం వహిస్తున్నారు. బుధవారం నితిన్‌ పుట్టినరోజుని పురస్కరించుకుని ఈ చిత్ర బృందం ఓ స్పెషల్‌ సర్‌ప్రైజ్‌ ఇచ్చింది. సినిమాలో నితిన్‌ పోషిస్తోన్న సిద్దార్థ్‌ రెడ్డి రోల్‌ని తెలియజేసేలా ఓ వీడియోని షేర్‌ చేసింది.

ఈ వీడియోని ట్వీటర్‌ వేదికగా షేర్‌ చేసిన నితిన్‌.. ‘‘ఇది కేవలం శాంపిల్‌ మాత్రమే. జులై 8 నుంచి అసలైన వేటని థియేటర్లలో చూడండి’’ అని పేర్కొన్నారు. పొలిటికల్‌, ఫ్యాక్షన్‌ బ్యాక్‌డ్రాప్‌లో సిద్ధమవుతోన్న ఈ సినిమాలో హీరోయిన్‌గా కృతి శెట్టి సందడి చేయనున్నారు. శ్రేష్ఠ మూవీస్‌ పతాకంపై ఈ సినిమా సిద్ధమవుతోంది.