Karate Kalyani: కరాటే కల్యాణికి ‘మా’ నోటీసులు

హైదరాబాద్‌: నందమూరి తారకరామారావు (NTR)పై నటి కరాటే కల్యాణి (Karate Kalyani) చేసిన వ్యాఖ్యలను మూవీ ఆర్టిస్టు అసోసియేషన్‌ (MAA) సీరియస్‌గా తీసుకుంది. కల్యాణి చేసిన వ్యాఖ్యలను దృష్టిలో ఉంచుకుని క్రమశిక్షణ ఉల్లంఘణ కింద ‘మా’ అధ్యక్షుడు మంచు విష్ణు ఆమెకు షోకాజ్‌ నోటీసులు జారీ చేశారు. సదరు వ్యాఖ్యలపై మూడు రోజుల్లో వివరణ ఇవ్వాలని పేర్కొన్నారు. ఖమ్మంలో ఎన్టీఆర్‌ విగ్రహావిష్కరణ నేపథ్యంలో ఇటీవల ఆమె వివాదాస్పద వ్యాఖ్యలు చేసిన విషయం తెలిసిందే. ఆమె వ్యాఖ్యలను పలువురు నెటిజన్లు తప్పుబడుతున్నారు. ఆమె అలా మాట్లాడటం సరి కాదని అంటున్నారు.