Newsense: త్వరలోనే ‘న్యూసెన్స్ సీజన్ 2’..

హైదరాబాద్‌: నవదీప్‌, బిందు మాధవి కీలక పాత్రల్లో రూపొందిన సరికొత్త వెబ్‌సిరీస్‌ ‘న్యూసెన్స్: సీజన్ 1’. ప్రముఖ తెలుగు ఓటీటీ వేదిక ఆహాలో ఇటీవల స్ట్రీమింగ్‌ మొదలైన సంగతి తెలిసిందే. ఈ సిరీస్‌కు యువత నుంచి విశేష ఆదరణ లభిస్తోందని మేకర్స్‌ తెలిపారు. ఇందులో భాగంగా స‌క్సెస్‌మీట్‌ను నిర్వహించారు. ఈ సందర్భంగా దర్శకుడు శ్రీ ప్రవీణ్ మాట్లాడుతూ ‘న్యూసెన్స్ సిరీస్‌ను అంద‌రం ఎంతో ప్రేమించి చేశాం. అందువ‌ల్లే ఇంత‌టి అపూర్వ‌మైన విజ‌యం ద‌క్కింది. అన్నిచోట్ల నుంచి పాజిటివ్ రెస్పాన్స్ వ‌స్తోంది. ఆహా, పీపుల్ మీడియా వారితో క‌లిసి వ‌ర్క్ చేయ‌టం గొప్ప అనుభూతినిచ్చింది. వారు అందించిన స‌హయ స‌హ‌కారాల‌తోనే మేం అనుకున్న క‌థ‌ను అనుకున్న‌ట్లు తెర‌కెక్కించ‌గ‌లిగాం’’ అన్నారు. మ‌రికొన్ని వారాల్లోనే ‘న్యూసెన్స్ సీజ‌న్ 2’ను అందిస్తామ‌ని మేక‌ర్స్ తెలియ‌జేశారు. మ‌రో ఆస‌క్తిక‌ర‌మైన, ఆలోచ‌న‌ను రేకెత్తించేలా ఉత్కంఠభ‌రిత‌మైన క‌థాంశంతో ముందుకు వ‌స్తామ‌ని ఈ సంద‌ర్భంగా టీమ్ తెలియ‌జేసింది.