God Father: ‘గాడ్‌ ఫాదర్‌’లో రామ్‌ చరణ్‌.. సల్మాన్‌ ఖాన్‌ క్లారిటీ

చిరంజీవి హీరోగా తెరకెక్కిన ‘గాడ్‌ ఫాదర్‌’లో రామ్‌ చరణ్‌ నటించారని బాలీవుడ్‌ నటుడు సల్మాన్‌ ఖాన్‌ తెలిపారు. ఈ చిత్రంలో సల్మాన్‌ కీలక పాత్ర పోషించిన సంగతి తెలిసిందే.

Published : 02 Oct 2022 18:32 IST

ముంబయి: చిరంజీవి (Chiranjeevi) హీరోగా దర్శకుడు మోహన్‌ రాజా తెరకెక్కించిన చిత్రం ‘గాడ్‌ ఫాదర్’ (God Father). ఇందులో చిరు తనయుడు, నటుడు రామ్‌చరణ్‌ (Ram Charan) అతిథి పాత్రలో కనిపిస్తారంటూ ఇటీవల వార్తలొచ్చిన సంగతి తెలిసిందే. ఈ చిత్రంలో కీలక పాత్ర పోషించిన బాలీవుడ్‌ నటుడు సల్మాన్‌ ఖాన్‌ (Salman Khan) ఈ విషయమై స్పందించారు. శనివారం నిర్వహించిన ‘గాడ్‌ ఫాదర్‌ ట్రైలర్‌ విడుదల’ కార్యక్రమంలో ఆయన స్పష్టతనిచ్చారు. ‘గాడ్‌ ఫాదర్‌’లో రామ్‌ చరణ్‌ అతిథి పాత్ర పోషించారని, తెరపై చూసేందుకు తామూ ఎంతో ఆసక్తిగా ఎదురుచూస్తున్నామన్నారు. ‘‘ఒకే ఫ్రేమ్‌లో మీతో కలిసి నటించాలని ఉందని రామ్‌ చరణ్‌ ఓ రోజు తన మనసులో మాట బయటపెట్డాడు. అతను జోక్‌ చేస్తున్నాడేమో అనుకుని, దీని గురించి రేపు మాట్లాడదాం అని చెప్పా. మరుసటి రోజు.. చరణ్‌ తన క్యాస్ట్యూమ్స్‌ తీసుకుని సెట్‌కి వచ్చేశాడు’’ అని సల్మాన్‌ ఖాన్‌ తెలిపారు.

రామ్‌ చరణ్‌ హీరోగా తెరకెక్కిన ‘మగధీర’, ‘బ్రూస్‌ లీ’ చిత్రాల్లో చిరంజీవి అతిథిగా కనిపించిన సంగతి తెలిసిందే. ఈ ఏడాది వచ్చిన ‘ఆచార్య’లో ఇద్దరూ ప్రధాన పాత్రలు పోషించారు. పొలిటికల్‌ యాక్షన్‌ నేపథ్యంలో రూపొందిన ‘గాడ్‌ ఫాదర్‌’ అక్టోబరు 5న విడుదలకానుంది. ఈ చిత్రంలో నయనతార, సత్యదేవ్‌, పూరీ జగన్నాథ్‌ ఇతర కీలక పాత్రధారులు. ఈ సినిమాకి రామ్‌ చరణ్‌ నిర్మాతగానూ వ్యవహరించారు.


Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని