చిన్న పిల్లలా ఈషా.. కొవిడ్‌కి జగపతి థ్యాంక్స్‌

సోషల్‌లుక్‌: సినీ తారలు పంచుకున్న నేటి విశేషాలు

ఇంటర్నెట్‌ డెస్క్‌: రెండు జడలు వేసుకుని చిన్న పిల్లలా దర్శనమిచ్చింది యువ నాయిక ఈషా రెబ్బా.

* దివంగత నటుడు వివేక్‌తో దిగిన ఫొటోల్ని ఇన్‌స్టాగ్రామ్‌లో షేర్‌ చేసింది బాలీవుడ్‌ నటి ఊర్వశి రౌతేలా.

* బరువు తగ్గించుకునే పనిలో పడ్డారు నటి, నిర్మాత చార్మి. ఇంట్లో చేసిన వ్యాయామాన్ని ఫొటో రూపంలో పంచుకున్నారామె.

* ‘వకీల్‌ సాబ్‌’ చిత్రానికి సంబంధించిన ఆఖరి ప్రచారంలో పాల్గొన్నాను అంటూ ఆనందం వ్యక్తం చేసింది నివేదా థామస్‌. కొవిడ్‌ బారిన పడటంతో గతంలో ప్రచారం చేయలేకపోయింది నివేదా.

* హాస్యం, ఆశ్చర్యం, ఆలోచించడం.. ఇలా వివిధ రకాల పోజుల్లో సందడి చేస్తోంది రష్మిక.

* తనకు తనే మేకప్‌ వేసుకుంటూ కనిపించారు నటుడు జగపతి బాబు. ‘కొవిడ్‌కి ధన్యవాదాలు.. నేను మేకప్‌మెన్‌ అయ్యాను (నవ్వుతూ)’ అని రాసుకొచ్చారు.