Tollywood Roundup: ‘వీరసింహారెడ్డి’ నుంచి ‘స్పై’ వరకు.. ఏది హిట్? ఏది ఫట్?
ఈ ఏడాది జనవరి నుంచి జూన్ వరకు విడుదలైన తెలుగు సినిమాలపై ప్రత్యేక కథనం. ఏ సినిమా హిట్ అయింది? ఏ సినిమా పరాజయం పొందిందంటే?
ప్రేక్షకులను అలరించేందుకు ప్రతి ఏడాదీ వందల సంఖ్యలో సినిమాలు విడుదలవుతుంటాయి. కొన్ని విజయవంతంగా మరికొన్ని ఆశించినంత ఫలితాన్ని అందుకోలేకపోతాయి. మరి, ఈ ఏడాది ఇప్పటి వరకు బాక్సాఫీసు ముందుకు ఏయే సినిమాలు వచ్చాయి? వాటి రిజల్ట్ ఏంటి? గుర్తు చేసుకుందామా..
జనవరి.. అగ్ర హీరోలతో సరి!
చిత్ర పరిశ్రమకు సంబంధించి అతిపెద్ద సీజన్ సంక్రాంతి. ఆ పండుగ హంగామా బాలకృష్ణ ‘వీరసింహారెడ్డి’ (Veera Simha Reddy)తో మొదలైంది. ఒక్క రోజు (జనవరి 13) తేడాతో ‘వాల్తేరు వీరయ్య’ (Waltair Veerayya)తో చిరంజీవి బరిలో దిగారు. అగ్ర హీరోలైన వీరిద్దరు పొంగల్ పోరులో నిలవడం కొత్తేమీ కాదు. కానీ, ఒకే నిర్మాణ సంస్థ (మైత్రీ మూవీ మేకర్స్) రూపొందించిన రెండు పెద్ద చిత్రాలు ఒక్క రోజు వ్యవధితో విడుదలవడం, ఆ రెండు సినిమాల్లో హీరోయిన్ (శ్రుతిహాసన్) ఒక్కరేకావడం విశేషం. ప్రేక్షకులు కోరుకున్న అంశాలన్నీ ఉన్న ఈ రెండు సినిమాలు మంచి విజయం అందుకున్నాయి. జనవరి 14న వచ్చిన సంతోష్ శోభన్ ‘కల్యాణం కమనీయం’ (Kalyanam Kamaneeyam) సినిమా అలరించలేకపోయింది. ‘హంట్’ (Hunt) సుధీర్బాబు అంతగా విజయాన్ని అందుకోలేకపోయింది. జనవరి 26న విడుదలైందీ చిత్రం.
ఫిబ్రవరి.. చిన్న సినిమాకు గురి!
ఫిబ్రవరిలో బాక్సాఫీసు ముందుకు వచ్చిన తొలి హీరో సందీప్ కిషన్. ఆయన నటించిన ‘మైఖేల్’ చిత్రం ఆ నెల 3న విడుదలైంది. విజయ్ సేతుపతి, వరుణ్ సందేశ్, గౌతమ్ వాసుదేవ్ మేనన్లాంటి వారు మెరిసినా సినిమా ఆకట్టుకోలేకపోయింది. అదే రోజున ‘రైటర్ పద్మభూషణ్’ (Writer Padmabhushan)గా ప్రేక్షకుల ముందుకొచ్చిన సుహాస్ మెప్పించారు. ఫిబ్రవరి 4న విచ్చేసిన ‘బుట్టబొమ్మ’ ఆడియన్స్ని ఆకర్షించలేకపోయింది. మలయాళ సూపర్ హిట్ ఫిల్మ్ ‘కప్పేలా’కు రీమేక్ ఇది. ‘బింబిసార’తో గతేడాది విజయాన్ని నమోదు చేసిన నందమూరి కల్యాణ్ రామ్.. ఈ ఏడాది ‘అమిగోస్’ (Amigos)తో పలకరించారు. ఆయన త్రిపాత్రాభినయం చేసిన ఈ సినిమా ఫిబ్రవరి 10న విడుదలై, అంచనాల్ని అందుకోలేకపోయింది.
‘రఘువరన్ బీటెక్’ వంటి అనువాద చిత్రాలతో టాలీవుడ్లో క్రేజ్ సంపాదించుకున్న ధనుష్ తెలుగు దర్శకుడితో చేసిన తొలి సినిమా ‘సార్’ (Sir). విద్యా వ్యవస్థ నేపథ్యంలో రూపొందిన ఈ చిత్రానికి ప్రేక్షకులు మంచి మార్కులేశారు. ఫిబ్రవరి 17న రిలీజైంది. 18న వచ్చిన కిరణ్ అబ్బవరం ‘వినరో భాగ్యము విష్ణుకథ’ (Vinaro Bhagyamu Vishnu Katha) నంబర్ నేబర్ అనే కొత్త కాన్సెప్ట్తో బాగుంది అనిపించగా.. ‘శ్రీదేవి శోభన్బాబు’ అలా వచ్చి ఇలా వెళ్లిపోయింది. సంతోష్ శోభన్ హీరోగా తెరకెక్కిన చిత్రమిది.
మార్చి.. హీట్ పెంచి!
మార్చిలో ఓవైపు ఉష్ణోగ్రతలు పెరుగుతుంటే సినిమాలకు సంబంధించి బాక్సాఫీసు వద్ద వసూళ్ల హీట్ పెరిగింది. ‘బలగం’ (balagam)తో అది మొదలైంది. మట్టివాసన కథల్ని తెరపైకి తీసుకొస్తే అద్భుత విజయం సాధించొచ్చని ఈ సినిమాతో మరోసారి రుజువైంది. తెలంగాణ పల్లె సంస్కృతి, సంప్రదాయం ఇతివృత్తంగా రూ. 3 కోట్ల బడ్జెట్తో రూపొందిన ఈ చిత్రం దాదాపు రూ. 27 కోట్ల వసూళ్లతోపాటు అంతర్జాతీయంగా పలు అవార్డులు దక్కించుకుంది. కథ బలంగా ఉంటే స్టార్ నటుల్లేకపోయినా సక్సెస్ సొంతం చేసుకోవచ్చనే అంశాన్ని గుర్తుచేసింది. హాస్య నటుడైన వేణు యెల్దండి దర్శకత్వంలో ఈ సినిమా తెరకెక్కడం విశేషం. దీంతోపాటు మార్చి 3న విడుదలైన ‘ఆర్గానిక్ మామ హైబ్రిడ్ అల్లుడు’ సందడి చేయలేకపోయింది. 10న వచ్చిన ‘సి.ఎస్.ఐ. సదన్’, 17న వచ్చిన ‘ఫలానా అబ్బాయి ఫలానా అమ్మాయి’ మెరవలేకపోయాయి. ‘దాస్ కా ధమ్కీ’తో విశ్వక్ సేన్ మాస్ ప్రేక్షకులతో విజిల్ వేయించారు. ‘రంగమార్తాండ’తో ప్రముఖ దర్శకుడు కృష్ణవంశీ ప్రేక్షకుల హృదయాల్ని హత్తుకున్నారు. ఈ రెండూ మార్చి 22న విడుదలయ్యాయి. మార్చి 30న రిలీజైన పాన్ ఇండియా చిత్రం ‘దసరా’ (dasara) తెలుగులో ఘన విజయం సొంతం చేసుకుంది. నాని హీరోగా నటించిన ఈ సినిమా రూ. 100 కోట్ల క్లబ్లో చేరింది.
ఏప్రిల్.. పెద్దగా లేవు మెరుపుల్!
ఏప్రిల్లో 10కిపైగా సినిమాలు విడుదలకాగా సాయిధరమ్ తేజ్ నటించిన ‘విరూపాక్ష’ (Virupaksha) మాత్రమే హిట్గా నిలిచింది. తాంత్రిక శక్తులు, ఆత్మల కాన్సెప్ట్తో రుద్రవనం అనే ఊరి చుట్టూ తిరిగే ఈ కథ ప్రేక్షకులకు థ్రిల్ పంచింది. రవితేజ నటించిన సైకలాజికల్ యాక్షన్ థ్రిల్లర్ ‘రావణాసుర’ (Ravanasura) ఫర్వాలేదనిపించగా భారీ అంచనాలతో విడుదలైన సమంత ‘శాకుంతలం’ (Shaakuntalam), అఖిల్ ‘ఏజెంట్’ (Agent) బాక్సాఫీసు వద్ద చతికిలపడ్డాయి. కిరణ్ అబ్బవరం నటించిన ‘మీటర్’ తిరగలేకపోయింది. సింగిల్ క్యారెక్టర్తో తెరకెక్కిన ‘హలో.. మీరా..!’ ప్రశంసలు అందుకుంది.
మేలో.. కాంబినేషన్లు మెరవలేదు..!
‘మేమ్ ఫేమస్’ (Mem Famous) మినహా మేలో విడుదలైన ‘అన్ని మంచి శకునములే’ (Anni Manchi Sakunamule), ‘కథ వెనుక కథ’, ‘భువన విజయమ్’, ‘మళ్లీ పెళ్లి’ (Malli Pelli)వంటి తక్కువ బడ్జెట్ చిత్రాలు ఫేమస్ కాలేకపోయాయి. నాగచైతన్య ‘కస్టడీ’ (Custody) ప్రేక్షకులను బందీ చేయలేకపోయింది. ఆసక్తి రేకెత్తించిన హీరో- డైరెక్టర్ కాంబినేషన్లూ మిశ్రమ స్పందనకే పరిమితమయ్యాయి. ‘లక్ష్యం’, ‘లౌక్యం’ తర్వాత గోపీచంద్- శ్రీవాస్ కాంబోలో తెరకెక్కిన ‘రామబాణం’ (Ramabanam), ‘నాంది’ తర్వాత అల్లరి నరేశ్- విజయ్ కనకమేడల కాంబినేషన్లో రూపొందిన ‘ఉగ్రం’ (Ugram) ఒకే రోజు బాక్సాఫీసు ముందుకు వచ్చి, నిరాశ పరిచాయి.
జూన్.. పరేషాన్!
ప్రముఖ నిర్మాత దివంగత రామానాయుడు మనవడు అభిరామ్ హీరోగా పరిచయమైన ‘అహింస’, బెల్లంకొండ గణేశ్ ‘నేను స్టూడెంట్ సర్!’ పాస్ కాలేదు. తిరువీర్ ప్రధాన పాత్ర పోషించిన ‘పరేషాన్’ కడుపుబ్బా నవ్వించింది. ‘ఇంటింటి రామాయణం’, ‘విమానం’ కుటుంబ ప్రేక్షకుల్ని ఆకట్టుకున్నాయి. సిద్ధార్థ్ ‘టక్కర్’ ప్రయత్నం ఫలించలేదు. ఈ నెలలో విడుదలైన భారీ బడ్జెట్ చిత్రం ఒక్కటే. అదే ‘ఆదిపురుష్’ (Adipursuh).ప్రభాస్ హీరోగా తెరకెక్కిన ఈ సినిమా విడుదలైన రోజు నుంచే విమర్శలు ఎదుర్కొన్న సంగతి తెలిసిందే. మిశ్రమ స్పందనతోనూ రూ. 450 కోట్లకుపైగా కలెక్షన్స్ సాధించింది. జూన్ 16న విడుదలైన ఈ సినిమా వివాదాలు ఇంకా ముగియలేదు. ఈ నెలాఖరున వచ్చిన శ్రీవిష్ణు ‘సామజవరగమన’ (samajavaragamana) ప్రేక్షకులకు నవ్వులు పంచుతుండగా.. నిఖిల్ నటించిన ‘స్పై’ (Spy) అంచనాలు అందుకోలేకపోయింది.
అనువాదాలు ఇలా..
అజిత్ ‘తెగింపు’, విజయ్ ‘వారసుడు’, విక్రమ్, కార్తి, ఐశ్వర్యరాయ్ల ‘పొన్నియిన్ సెల్వన్ 2’, విజయ్ ఆంటోనీ ‘బిచ్చగాడు 2’, టోవినో థామస్ ‘2018’ చిత్రాలు తెలుగులో మంచి మార్కెట్ సెట్ చేసుకున్నాయి. స్టార్ కాస్టింగ్ ఉన్నా.. భారీ బడ్జెట్ అయినా.. కొత్తదనం ఉన్న కథలకే ప్రేక్షకులకు పట్టం కడుతున్నారనే విషయం ఈ ఏడాది ప్రథమార్ధంలో విడుదలైన సినిమాలన్నింటి విషయంలో స్పష్టమైంది. ద్వితీయార్ధంలో రాబోయే సినిమాలన్నీ అలరించాలని కోరుకుందాం.
- ఇంటర్నెట్ డెస్క్.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
యువతరం.. వైవిధ్యమే తొలి విజయం: స్టార్ నటులు మెచ్చిన యంగ్ హీరోలెవరంటే?
విభిన్న కథలను ఎంపిక చేసుకుంటూ విజయాన్ని అందుకుంటున్న యంగ్ హీరోలపై ప్రత్యేక కథనం.. -
ఎవరీ అశ్వత్థామ.. కృష్ణుడు అతడికి ఇచ్చిన శాపం ఏంటి?
ప్రభాస్ (Prabhas) కథానాయకుడిగా నాగ్ అశ్విన్ దర్శకత్వంలో రూపొందుతున్న సైన్స్ ఫిక్షన్ మూవీ ‘కల్కి 2898 ఏడీ’ (Kalki 2898 AD). ఇందులో ప్రముఖ నటుడు అమితాబ్ బచ్చన్ అశ్వత్థామగా (Ashwathama) కనిపించనున్నారు. -
ఇక్కడ ప్రభాస్, విష్ణు.. అక్కడ రజనీకాంత్, కమల్ హాసన్: వీరి చిత్రాల స్పెషల్ ఏంటంటే?
ప్రముఖ నటులు కొందరు కలిసి నటిస్తున్న చిత్రాలపై ప్రత్యేక కథనం. ఎవరెవరు ఏయే సినిమాల్లో నటిస్తున్నారంటే? -
నాయికలు ‘తెర’ పంచుకుంటే.. వినోదం పెంచినట్టే
త్వరలో విడుదల కాబోయే సినిమాలు ప్రేక్షకులకు రెట్టింపు వినోదాన్ని పంచడానికి సిద్ధమవుతున్నాయి. అందుకు కారణం ఒకే మూవీలో ఇద్దరు/ ముగ్గురు హీరోయిన్లు కలిసి నటిస్తుండటమే.. -
సీనియర్ హీరోయిన్ల జోరు ‘తగ్గేదే లే’.. ఎవరెన్ని సినిమాలతో బిజీగా ఉన్నారంటే?
టాలీవుడ్ సీనియర్ హీరోయిన్లపై ప్రత్యేక కథనం. త్రిష, నయనతార, తమన్నా.. ఇలా ఎవరెవరు ఎన్ని సినిమాలతో సందడి చేసేందుకు సిద్ధంగా ఉన్నారంటే? -
పృథ్వీరాజ్ సుకుమారన్ బెస్ట్ మూవీస్.. ఇప్పుడు ‘ఆడుజీవితం’.. ఇంతకుముందు?
పృథ్వీరాజ్ సుకుమారన్ నటించిన ఉత్తమ చిత్రాలు ఏంటంటే..? -
ఆ అవార్డు అందుకున్న తొలి వ్యక్తిని నేనే అని తెలిసి షాకయ్యా.. అల్లు అర్జున్
నటుడు అల్లు అర్జున్ (Allu Arjun) పుట్టినరోజు నేడు. ఈ సందర్భంగా ఆయనకు సంబంధించిన పలు ఆసక్తికర విశేషాలు. -
రికార్డుల్లోనూ ఫస్టే ఈ నేషనల్ క్రష్.. రష్మిక ఖాతాలో ఘనతలెన్నో!
రష్మిక పుట్టినరోజు సందర్భంగా ఆమె సొంతంచేసుకున్న కొన్ని రికార్డులను చూద్దాం.. -
రామ్ చరణ్ బర్త్డే.. ఆయన బాల్యం గురించి ఈ విశేషాలు తెలుసా..?
టాలీవుడ్ ప్రముఖ హీరో రామ్ చరణ్ పుట్టినరోజు నేడు. ఈ సందర్భంగా ఆయన గురించి కొన్ని విశేషాలు.. -
Challenging Roles: పాత్రలకు ప్రాణం పోశారు.. పృథ్వీరాజ్ సుకుమారన్ ఇలా.. విక్రమ్ అలా!
పాత్రలకు ప్రాణం పోసేందుకు మానసికంగా, శారీరకంగా ఎంతగానో శ్రమించిన నటులు, వారి సినిమాల వివరాలివీ.. -
Tollywood Actresses: అగ్ర నాయికలు అలా రూటు మార్చి.. హాట్టాపిక్గా నిలిచి!
అగ్ర కథానాయిక- వర్ధమాన హీరో కాంబినేషన్లో వచ్చిన సినిమాల విశేషాలు.. -
Actors turned Directors: ధనుష్, ఉపేంద్ర, కంగన.. మళ్లీ మరో కోణాన్ని చూపించేందుకు...
స్వీయ దర్శకత్వంలో నటించిన హీరో/హీరోయిన్పై ప్రత్యేక కథనం. ఎవరు ఏ సినిమాతో అలరించేందుకు సిద్ధమయ్యారంటే? -
Alia Bhatt: అందుకు క్లాస్లో బెంచీలు తుడిచి.. బ్యాగ్రౌండ్ ఉన్నా ఆడిషన్ ఇచ్చి: అలియా భట్ బర్త్డే స్పెషల్
అలియా భట్ పుట్టినరోజు సందర్భంగా ఆమె గురించి పలు విశేషాలు.. -
Mamitha Baiju: గిరిజ, సాయి పల్లవిలా మమితా బైజు.. రాజమౌళి మెచ్చిన ఈ నటి ఎవరు?
యంగ్ హీరోయిన్ మమితా బైజును అగ్ర దర్శకుడు ప్రశంసించడం అందరి దృష్టినీ ఆకర్షించింది. ఎవరీ నటి? -
Comedians as Heros: కమెడియన్లు.. కథానాయకులై.. ఎవరెవరు ఏ సినిమాతో అలరించారంటే?
కమెడియన్లుగా కెరీర్ని ప్రారంభించి హీరోగాను సినిమాలు చేస్తున్న నటులపై ప్రత్యేక కథనం.. -
Krystyna Pyszkova: మనిషే కాదు.. మనసూ అందమే: మిస్ వరల్డ్ క్రిస్టినా గురించి ఆసక్తికర విశేషాలివీ
ప్రపంచ సుందరి-2024 కిరీటం దక్కించుకున్న క్రిస్టినా పిస్కోవా గురించి ఆసక్తికర విశేషాలు మీకోసం.. -
Miss World Pageant: తొలుత ‘బికినీ కాంటెస్ట్’గా.. 28 ఏళ్ల తర్వాత భారత్ ఆతిథ్యం.. ‘మిస్ వరల్డ్’ పోటీల సంగతులివీ!
భారత్ ఆతిథ్యంలో 71వ ఎడిషన్ ‘మిస్ వరల్డ్’ పోటీలు జరుగుతున్నాయి. శనివారం విజేతను ప్రకటించనున్నారు. ఈ సందర్భంగా ఈ అందాల పోటీల గురించి పలు ఆసక్తికర విశేషాలు.. -
Sini Shetty: మిస్ వరల్డ్ పోటీలు.. ‘బెస్ట్ డిజైనర్ డ్రెస్’ విజేతగా సినిశెట్టి
మిస్ వరల్డ్ 2024 పోటీల్లో భారత్కు ప్రాతినిధ్యం వహిస్తున్న సినిశెట్టి గురించి ఆసక్తికర విశేషాలివీ.. -
Movies in March: మార్చిలో మురిపించే చిత్రాలు.. వరుణ్ తేజ్ అలా.. ‘టిల్లు’ ఇలా!
మార్చిలో విడుదల కానున్న సినిమాలపై ప్రత్యేక కథనం. ఏ హీరో చిత్రం ఏ రోజు ప్రేక్షకుల ముందుకు రానుందంటే? -
Valentine Day: వాలంటైన్స్ డేకు రీరిలీజ్ కానున్న ప్రేమకథా చిత్రాలివే..
వాలంటైన్స్ డే సందర్భంగా గతంలో అలరించిన ప్రేమ కథాచిత్రాలు మరోసారి వినోదాన్ని పంచేందుకు సిద్ధమయ్యాయి. -
తొలి సినిమా ఫ్లాప్.. ‘బండమొహం వీడేం హీరో’ అన్నారు.. రీల్ కెరీర్ To పొలిటికల్ ఎంట్రీ.. విజయ్ లైఫ్ జర్నీ ఇదే!
Actor vijay: తల్లిదండ్రులకు సినీ నేపథ్యం ఉన్నా, నటుడిగా తనకంటూ తమిళనాట గుర్తింపు తెచ్చుకున్న విజయ్.. రాజకీయాల్లోకి అడుగు పెట్టారు. ఈ క్రమంలో ఇప్పటివరకూ ఆయన లైఫ్ జర్నీ ఎలా సాగింది?
తాజా వార్తలు (Latest News)
-
నేనెందుకు సమాధానం చెప్పాలి?: వరలక్ష్మీ శరత్కుమార్
-
లైంగిక వేధింపుల ఆరోపణలు.. ఎంపీ ప్రజ్వల్, రేవణ్ణలపై కేసు
-
పాక్ ఉప ప్రధానిగా ఇశాక్ డార్ నియామకం
-
‘దేవర’లో కీలక పాత్ర.. అల్లరి నరేశ్ ఏమన్నారంటే?
-
ఈనాడు.నెట్లో టాప్ 10 వార్తలు @ 9 PM
-
అతిపెద్ద ఎయిర్పోర్టు.. 400 గేట్లు.. రూ.2.9 లక్షల కోట్ల ఖర్చు!