పెళ్లి ముచ్చటపై రష్మి-సుధీర్‌ ఏమన్నారంటే?

హైదరాబాద్‌: సుధీర్‌-రష్మి.. యువతలో ఈ జంటకు ఉన్న క్రేజ్‌ గురించి ప్రత్యేకంగా చెప్పాల్సిన అవసరం లేదు. బుల్లితెర వేదికగా ప్రసారమయ్యే పలు షోలలో రష్మి-సుధీర్‌ జోడీ ప్రేక్షకులను ఎంతగానో అలరిస్తుంది. తాజాగా వీరిద్దరూ తమ పెళ్లి గురించి తొలిసారి పెదవి విప్పారు.

రోజా, మనో న్యాయనిర్ణేతలుగా ఈటీవీ ప్రసారమవుతున్న ఖతర్నాక్‌ కామెడీ షో ‘ఎక్స్‌ట్రా జబర్దస్త్‌’. రష్మి వ్యాఖ్యాతగా వ్యవహరిస్తున్న ఈ షోకు సంబంధించిన సరికొత్త ప్రోమో ఇప్పుడు ఎంతగానో ఆకర్షిస్తోంది. పెళ్లి కాన్సెప్ట్‌తో సరదా సత్తిపండు, అదుర్స్‌ ఆనందం చేసిన ఫన్నీ స్కిట్‌లో సుధీర్‌ అతిథిగా కనిపించి ఆకట్టుకున్నారు. స్కిట్‌ పూర్తయ్యాక రోజా.. ‘సుధీర్‌.. ఎప్పటి నుంచో నీ పెళ్లి కోసం ఎదురుచూస్తున్నాం. ఇంతకీ పెళ్లి ఎప్పుడు?’ అని ప్రశ్నిస్తారు. వెంటనే సుధీర్‌ పక్కనే ఉన్న రష్మి వైపు చూసి చిరునవ్వులు చిందిస్తారు. అనంతరం రోజా.. రష్మిని సైతం ఇదే ప్రశ్న వేయగా.. ఆమె కూడా సుధీర్‌ వైపు చూసి సిగ్గుపడతారు. చివరికి సుధీర్‌ మాట్లాడుతూ.. ‘పెళ్లికి ఇంకా చాలా టైమ్‌ ఉంది మేడమ్‌’ అని సమాధానమిస్తారు. సుధీర్‌ చెప్పిన జవాబుకు రోజా కౌంటర్‌ వేయడంతో స్టేజ్‌పై ఉన్న వారందరూ ఒక్కసారిగా నవ్వారు. సుధీర్‌, రష్మి తమ పెళ్లి గురించి ఏం చెప్పారో తెలుసుకోవాలంటే వచ్చే శుక్రవారం వరకూ వేచి చూడాల్సిందే. జనవరి 29న ప్రసారం కానున్న ‘ఎక్స్‌ట్రా జబర్దస్త్‌’ ప్రోమో చూసేయండి..!

ఇదీ చూసేయండి..

ఫిక్స్‌ అయిన పెళ్లి.. క్యాన్సిల్‌ అయ్యింది: షకీలా