Published : 28/10/2021 18:56 IST

Ritu Varma: అక్కడే సగం విజయం వచ్చింది

‘‘నేటితరం అమ్మాయిల్ని పోలిన పాత్రల్లోనే నటిస్తుంటా. అందుకే ప్రతీ పాత్రలోనూ నన్ను నేను చూసుకొనే అవకాశం లభిస్తోంది’’ అంటున్నారు కథానాయిక రీతూవర్మ. కొన్నాళ్లుగా తెలుగు తెరపై విజయవంతంగా మెరుస్తున్న అచ్చ తెలుగందం ఈమె. వరుస సినిమాలతో దూసుకెళుతోంది. ఇటీవల నాగశౌర్యతో కలిసి ‘వరుడు కావలెను’లో నటించింది. ఆ చిత్రం ఈ నెల 29న ప్రేక్షకుల ముందుకొస్తున్న సందర్భంగా మంగళవారం హైదరాబాద్‌లో విలేకర్లతో ముచ్చటించింది. 

* మొన్న ‘టక్‌ జగదీష్‌’, ఇప్పుడు ‘వరుడు కావలెను’... మీ సినిమాలు వెంట వెంటనే విడుదల అవుతున్నాయి. దీన్ని ఫీలవుతున్నారు?
ఈ ఏడాదిలో విడుదలవుతున్న నా మూడో చిత్రమిది. మొదట ‘నిన్నిలా నిన్నిలా’ విడుదలైంది, ఆ తర్వాత ‘టక్‌ జగదీష్‌’. ఆ రెండూ ఓటీటీలోనే విడుదలయ్యాయి. థియేటర్‌లో సినిమాని చాలా మిస్‌ అయ్యాను. ఆ లోటుని తీర్చేలా ‘వరుడు కావలెను’ థియేటర్లలో విడుదలవుతుండడం సంతోషంగా ఉంది. 

* ఇందులో నటించడానికి ప్రేరేపించిన విషయాలేవి?
బలమైన కథానాయిక పాత్రల్ని చేయడమే నా బలం అని నమ్ముతాను. నాపై ఎంత ఒత్తిడి ఉంటే అంత మంచి పనితీరు నా నుంచి వస్తుంది. సవాళ్లని స్వీకరించడానికి ఇష్టపడతాను. ఈ కథ, పాత్రలు వినగానే చాలా నచ్చాయి. నేను పోషించిన భూమి పాత్రలో చాలా కోణాలు ఉంటాయి. దర్శకురాలు లక్ష్మీసౌజన్య అలా తీర్చిదిద్దారు. ఈ సినిమా తర్వాత నేనొక పరిపూర్ణమైన నటిగా గుర్తుండిపోతాను.

*  ప్రతీసారీ బలమైన పాత్రలు దొరకడం కష్టం కదా?
అలాంటి కథలు, పాత్రల్ని దర్శకులు సృష్టిస్తూనే ఉంటారు. వాటికి నన్ను ఎంచుకోవడమే నా అదృష్టం. అయితే ‘వరుడు కావలెను’ మహిళా ప్రధానంగా సాగే సినిమా ఏమీ కాదు. హీరోయిన్‌ పాత్ర బలంగా ఉన్నంత మాత్రాన అది మహిళా ప్రధానమైన సినిమా కాదు. ఇదొక ప్రేమకథ. ఇటు కుటుంబ ప్రేక్షకులకూ, అటు యువతరానికీ నచ్చేలా ఉంటుంది. నాగశౌర్య క్రమశిక్షణ  కలిగిన నటుడు. మా జోడీ బాగుందనే కితాబు చిత్రీకరణ దశలోనే వచ్చింది. అక్కడే సగం విజయం సాధించాం అనిపించింది.

‘‘వరుడు కావలెను’ అని సినిమా వరకే అంటున్నాను కానీ, నిజ జీవితంలో దానికి ఇంకా సమయం ఉంది. రెండు మూడేళ్ల వరకు పెళ్లి గురించి ఆలోచనే లేదు. మా ఇంట్లో పెళ్లి విషయంలో బలవంతం ఏమీ చేయడం లేదు. నీకు నచ్చినప్పుడే చేస్కో అంటారు. కలల పాత్రలంటే... సినిమాలకి దూరమయ్యేలోపు ఒక్క చారిత్రాత్మక సినిమానైనా చేయాలని ఉంది. ప్రస్తుతం తెలుగు, తమిళ భాషల్లో శర్వానంద్‌తో కలిసి ఓ సినిమాలో నటిస్తున్నా. తమిళంలో మరో చిత్రం చేస్తున్నా’’.


Read latest Movies News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని