The Family Man 3: ఈసారి అంతకు మించి.. ‘ఫ్యామిలీ మ్యాన్‌ 3’ అప్‌డేట్స్‌ ఇచ్చిన మనోజ్‌ బాజ్‌పాయ్‌

ఇంటర్నెట్‌ డెస్క్‌: విశేష ప్రేక్షకాదరణ పొందిన వెబ్‌సిరీస్‌ల్లో ‘ది ఫ్యామిలీ మ్యాన్‌’ (The Family Man) ఒకటి. రెండు సీజన్లతో థ్రిల్‌ పంచిన ఈ సిరీస్‌ మూడో సీజన్‌ (The Family Man 3) కోసం ఆడియన్స్‌ ఆసక్తిగా ఎదురుచూస్తున్నారు. తాజాగా పాల్గొన్న ఓ ఇంటర్వ్యూలో నటుడు మనోజ్‌ బాజ్‌పాయ్‌ (Manoj Bajpayee) ఆ ప్రాజెక్టు గురించి పలు వివరాలు తెలియజేశారు. ‘ది ఫ్యామిలీ మ్యాన్‌ సీజన్‌ 3’.. గత రెండు సీజన్లకు మించి ఉంటుందంటూ అంచనాలు పెంచేశారు.

‘ఇండియన్‌ 2’, ‘తంగలాన్‌’ ఆ ఓటీటీలోనే స్ట్రీమింగ్‌.. ఎక్కడంటే?

‘‘ఫిబ్రవరి ఆఖరి వారంలో ‘ది ఫ్యామిలీ మ్యాన్‌ 3’ చిత్రీకరణ ప్రారంభం కానుంది. ఈశాన్య భారతదేశంలో అధిక భాగం షూటింగ్‌ చేయనున్నాం. ‘ది ఫ్యామిలీ మ్యాన్‌ 2’ ఎక్కడైతే పూర్తైందో అక్కడి నుంచే ‘ది ఫ్యామిలీ మ్యాన్‌ 3’ మొదలవుతుంది. శ్రీకాంత్‌ తివారీ (మనోజ్‌ బాజ్‌పాయ్‌ పోషించిన పాత్ర) పిల్లలు పెద్దవాళ్లు అవుతారు. ఆయనకు వయసు పెరిగినా సవాళ్లు వెంటాడుతూనే ఉంటాయి. ఈసారి వాటిని ఎలా ఎదుర్కొన్నాడనేది సిరీస్‌ చూసి తెలుసుకోవాల్సిందే ’’ అని పేర్కొన్నారు.  2025లో.. ఓటీటీ ‘అమెజాన్‌ ప్రైమ్‌ వీడియో’లో ఈ సిరీస్‌ స్ట్రీమింగ్‌ అయ్యే అవకాశాలున్నాయి.

ఈ సిరీస్‌కు రాజ్‌ అండ్‌ డీకే దర్శకులు. 2019లో సీజన్‌ 1 విడుదలై ప్రేక్షకులకు కొత్త అనుభూతి కలిగించింది. ‘అమెజాన్‌ ప్రైమ్‌ వీడియో’లో అత్యధిక మంది వీక్షణలు సొంతం చేసుకున్న సిరీస్‌గా నిలిచింది. ప్రముఖ హీరోయిన్‌ సమంత కీలక పాత్ర పోషించిన సీజన్‌ 2.. 2021లో రిలీజై విశేషంగా ఆకట్టుకుంది.