Thirteen Lives review: రివ్యూ: థర్టీన్ లైవ్స్
Thirteen Lives review: రాన్ హోవర్డ్ తెరకెక్కించిన ‘థర్టీన్ లైవ్స్’ ఎలా ఉందంటే?
చిత్రం: థర్టీన్ లైవ్స్; నటీనటులు: విగ్గో మార్టెన్సెన్, కోలిన్ ఫారెల్, జోయల్ ఎడ్జర్టన్,టామ్ బ్యాటీమెన్ తదితరులు; సంగీతం: బెంజిమిన్ వాల్ఫిష్; సినిమాటోగ్రఫీ: సయోబు ముఖదీప్ర్రం; ఎడిటింగ్: జేమ్స్ డి.విల్కాక్స్; రచన: డాన్ మాక్ఫర్సన్, విలియమ్ నికోల్సన్; దర్శకత్వం: రాన్ హోవర్డ్; విడుదల: అమెజాన్ ప్రైమ్ వీడియో
యథార్థ సంఘటనల నుంచి స్ఫూర్తి పొంది తెరకెక్కిన ఎన్నో చిత్రాలు వెండితెరపై సందడి చేశాయి. ఇందులో బయోపిక్లు, ఉగ్రదాడులు, విపత్తులు, ఇలా ఎన్నో ఉన్నాయి. ఏ సంఘటననైనా ఎంత భావోద్వేగంగా తెరకెక్కించారన్న దానిపై చిత్ర విజయం ఆధారపడి ఉంటుంది. అలాంటి సంఘటనే 2018లో థాయ్లాండ్లో జరిగింది. కోచ్తో పాటు 12మంది చిన్నారులు గుహలో చిక్కుకుపోయిన సంఘటన యావత్ ప్రపంచం దృష్టిని ఆకర్షించింది. దాన్ని కథా వస్తువుగా తీసుకుని తెరకెక్కించిన చిత్రమే ‘థర్టీన్ లైవ్స్’ తాజాగా అమెజాన్ ప్రైమ్లో విడుదలైన ఈ సినిమా ఎలా ఉంది? దర్శకుడు రాన్ హోవర్డ్ ఎలా తెరకెక్కించారు?
కథేంటంటే: థాయ్లాండ్లోని చియాంగ్ రాయ్ రాష్ట్రంలోని థామ్ లువాంగ్ గుహలు ఎంతో ప్రసిద్ధి చెందినవి. ఒకరోజు వాటిని చూడాలని 12మంది ఫుట్బాల్ టీమ్ పిల్లలు తమ కోచ్తో కలిసి ఆ గుహ లోపలికి వెళ్తారు. అదే సమయంలో నాన్ పర్వత ప్రాంతమంతా విపరీతమైన మేఘాలు కమ్ముకుని భారీ వర్షం కురుస్తుంది. గుహ ప్రారంభం వద్ద భారీగా వరద నీరు వచ్చి చేరటంతో పిల్లలందరూ తమ ప్రాణాలు కాపాడుకునేందుకు గుహ లోపలికి వెళ్లిపోతారు. ఎడతెరిపి లేకుండా కురుస్తున్న వర్షానికి గుహకు వెళ్లే దారి నీటితో పూర్తిగా మూసుకుపోతుంది. మరోవైపు చిన్నారులు ఇంటికి రాకపోవడంతో వారి తల్లిదండ్రులు ఆందోళన చెందుతుంటారు. మరి చిన్నారులు గుహ వద్దకు వెళ్లారని వారికి ఎలా తెలిసింది? వారిని కాపాడేందుకు థాయ్ ప్రభుత్వం ఏం చేసింది? పది కిలోమీటర్ల పొడవైన గుహలోకి రెస్క్యూ టీమ్ ఎలా వెళ్లింది? చిన్నారులందరూ సజీవంగా ఎలా ఉండగలిగారు? అన్నది తెలియాలంటే సినిమా చూడాల్సిందే!
ఎలా ఉందంటే: మనకు తెలిసిన, ప్రపంచవ్యాప్తంగా వార్తల్లో నిలిచిన సంఘటన ఆధారంగా సినిమా వస్తుందంటే అందరిలోనూ ఆసక్తి ఉంటుంది. ముఖ్యంగా థాయ్ గుహల్లో చిన్నారులు చిక్కుకున్న సంఘటన ప్రపంచదేశాల దృష్టిని ఆకర్షించింది. ఒకటి కాదు, రెండు కాదు, 18 రోజుల తర్వాత చిన్నారులను బయటకు తీసుకొచ్చినప్పుడు యావత్ ప్రపంచం హర్షాతిరేకాలు వ్యక్తం చేసింది. ఆపదలో ఉన్న వ్యక్తి మృత్యువు అంచు వరకూ వెళ్లి ప్రాణాలతో బయటపడితే సాటి మనిషిగా ఆ వార్త ఎంతో ఆనందాన్ని ఇస్తుంది. ఆ ఆపదలో ఉన్నది చిన్నారులైతే హ్యూమన్ ఎమోషన్స్ తారస్థాయిలో ఉంటాయి. ఆ భావోద్వేగాలు మొదటి నుంచి చివరి వరకూ కొనసాగించి, ఆద్యంతం ఉత్కంఠగా ‘థర్టీన్ లైవ్స్’ తీర్చిదిద్దడంలో దర్శకుడు రాన్ హోవర్డ్ విజయం సాధించారు.
ఫుట్బాల్ ఆడుతున్న చిన్నారులు గుహ చూద్దామని వెళ్లడంతోనే నేరుగా కథ మొదలు పెట్టేశాడు దర్శకుడు. అక్కడి నుంచి వాళ్లు గుహలోకి వెళ్లడం, మరోవైపు భారీ వర్షం ఇలా ఒక్కోసన్నివేశం మనల్ని కథలోకి కాదు.. కాదు.. గుహలోకి తీసుకెళ్లిపోతుంది. నీటితో నిండిపోయిన గుహలో ఉన్న చిన్నారులను ఎలా కనిపెడతారు? అసలు వాళ్లు బతికే ఉన్నారా? లేదా? అన్నది ఎలా తెలుస్తుంది? ఇలా ప్రతి ప్రశ్న ప్రేక్షకుడిని మెదడును తొలిచేస్తుంది. ప్రతి సన్నివేశంలో ఆ ఇంటెన్షన్ను క్రియేట్ చేస్తూ దర్శకుడు కథను నడిపిన తీరు చాలా బాగుంది. సీడైవింగ్లో నిష్ణాతులైన ఇద్దరు బ్రిటిష్ డైవర్లు ఎంతో శ్రమించి 9 రోజుల తర్వాత చిన్నారులను కనిపెట్టినప్పుడు వాళ్లు ఎంత సంతోష పడ్డారో సినిమా చూస్తున్న ప్రేక్షకుడు కూడా అంతే భావోద్వేగానికి గురవుతాడు. మరోవైపు పర్వతం పైనున్న రంధ్రాల నుంచి వర్షపు నీరు లోపలకి చేరకుండా చేసే ప్రయత్నాలు మెప్పిస్తాయి. వరద నీరు పోయే మార్గం లేకపోతే, పంటపొలాల నుంచి నీరువెళ్లేలా ఏర్పాట్లు చేస్తారు. పిల్లల కోసం రైతులు తమ పంటలను వదులుకోవడం వంటి సన్నివేశాలు ఉద్విగ్నంగా ఉంటాయి.
పిల్లల్ని కనిపెట్టిన తర్వాతే అసలు కథ ఇప్పుడే మొదలవుతుంది. బ్రిటిష్ డైవర్లు వాళ్లను సులభంగా తీసుకొచ్చేయొచ్చు కదా! అన్న ప్రశ్న ప్రేక్షకుడికి కలుగుతుంది. కానీ, అది అనుకున్నంత సాధ్యం కాదని, ఓ చిన్న సన్నివేశం ద్వారా దర్శకుడు చక్కగా చూపించాడు. ఒకవైపు ఆగని వర్షం, మరోవైపు గుహ వద్ద చిన్నారుల కోసం తల్లిదండ్రుల ఎదురు చూపులు ఇలా సినిమా మొత్తం ఎమోషన్ డ్రామాగా నడుస్తుంది. ‘కనీసం నా కుమారుడి శవాన్ని అయినా తీసుకుని రండి’ అంటూ ఓ చిన్నారి తండ్రి అక్కడి గవర్నర్ను అడిగే తీరు కంటతడి పెట్టిస్తుంది. అక్కడి నుంచి థాయ్ ప్రభుత్వంతో కలిసి బ్రిటిష్ డైవర్లు తీసుకునే నిర్ణయాలు ప్రతిదీ ఆశ్చర్యపరుస్తాయి. చిన్నారులను బయటకు తీసుకొచ్చేందుకు చేసే ప్రతి ప్రయత్నం ఉత్కంఠగా ఉంటుంది. ఏ సినిమా/కథ చూస్తున్న ప్రేక్షకుడైనా ‘హ్యాపీ ఎండింగ్’ కోరుకుంటాడు. ‘థర్టీన్ లైవ్స్’ కూడా ఆ మజానే ఇస్తుంది. థ్రిల్లింగ్ మూవీలంటే మీకు ఇష్టమా ‘థర్టీన్ లైవ్స్’ మిమ్మల్ని అస్సలు నిరాశపరచదు. అమెజాన్ ప్రైమ్లో తెలుగు ఆడియోతో అందుబాటులో ఉంది.
ఎవరెలా చేశారంటే: ఇందులో తెలిసిన నటుడు ఒక్కరూ లేరు. అయినా ప్రతి పాత్రా ఆ పిల్లలను కాపాడాలను కోరుకుంటాం. నటీనటుల కన్నా కూడా సాంకేతిక విభాగం పనితీరు అద్భుతం. సయోబు ముఖదీప్ర్రం సినిమాటోగ్రఫీ హైలైట్. లువాంగ్ గుహలు, పర్వత ప్రాంతం, అండర్ వాటర్ సీన్స్ చాలా చక్కగా తీశారు. సన్నివేశాలకు అనుగుణంగా వాడిన లైటింగ్ ఎఫెక్ట్ చాలా బాగుంది. జేమ్స్ డి.విల్కాక్స్ ఎడిటింగ్ పర్వాలేదు. ఈ సినిమాకు మరో బలం బెంజిమిన్ వాల్ఫిష్ నేపథ్య సంగీతం. ప్రతి సన్నివేశాన్ని ఎలివేట్ చేసింది. డాన్ మాక్ఫెర్సన్, విలియమ్ నికోల్సన్లు వాస్తవాలను ప్రతిబింబించేలా రాసిన తీరు, అంతే ఉత్కంఠగా, భావోద్వేగభరితంగా రాన్ హోవర్డ్ తెరకెక్కించిన తీరు చక్కగా ఉంది.
బలాలు
+ కథ, కథనాలు
+ సినిమాటోగ్రఫీ, నేపథ్య సంగీతం
+ రెస్క్యూ సీన్స్
బలహీనతలు
- అక్కడక్కడా నెమ్మదిగా సాగే సన్నివేశాలు
చివరిగా: ‘థర్టీన్ లైవ్స్’.. ఉత్కంఠగా సాగే రెస్క్యూ ఆపరేషన్
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా?
తాజా వార్తలు (Latest News)
-
ఐసీఐసీఐ, యెస్ బ్యాంక్లో మే 1 నుంచి కొత్త సర్వీస్ ఛార్జీలు!
-
విజయ్ మాల్యా అప్పుడు అలా అనడంతోనే..: కుంబ్లే
-
ఎక్స్ట్రా ఫీజుతో జొమాటోలో ఇక ఫాస్ట్ డెలివరీలు సేవలు..!
-
మస్క్ పేరుతో మస్కా.. మహిళకు రూ.41 లక్షలకు సైబర్ నేరగాడు టోకరా
-
మాజీ క్రికెటర్పై చిరుత దాడి.. కాపాడిన పెంపుడు శునకం
-
‘ఆ బ్లీచ్ జుట్టుకు చేరినట్టుంది’: ట్రంప్పై బైడెన్ వ్యక్తిగత విమర్శలు