vidya balan: మూడోసారీ ఓటీటీకే!

కరోనా దెబ్బకు   థియేటర్‌లు మూతపడిన కాలంలో ఓటీటీలే చాలా సినిమాలకు ఆశాకిరణంలా అనిపించాయి. చిన్న సినిమాలే కాదు పెద్దవి ఓటీటీ బాట పట్టాయి. అగ్ర నటులూ ఈ బాటేపట్టారు. కరోనా కాలంలో ప్రముఖ కథానాయిక విద్యాబాలన్‌ నటించిన ‘శకుంతల దేవి’తో పాటు ‘షేర్నీ’ చిత్రమూ ఓటీటీ ద్వారానే ప్రేక్షకుల ముందుకొచ్చింది. ఇప్పుడు ఆమె నటించిన మరో చిత్రం ఓటీటీ ద్వారా విడుదల కానుంది. అదే ‘జల్సా’ చిత్రం. విద్యాబాలన్‌ ‘తుమ్హారీ సులు’ చిత్రం తర్వాత దర్శకుడు సురేష్‌ త్రివేణితో కలిసి పనిచేసిన చిత్రమిది. ఇందులో విద్య..ఓ పాత్రికేయురాలిగా నటించింది. ఇటీవలే విడుదలైన ఈ సినిమా టీజర్‌ ఆకట్టుకుంటోంది. ఈ నెల 18న అమెజాన్‌ ప్రైమ్‌ వీడియో ద్వారా ప్రేక్షకుల ముందుకు రానుంది.