Gaami: అందరూ గర్వపడే సినిమా ‘గామి’: విశ్వక్‌ సేన్‌

హైదరాబాద్‌: విశ్వక్‌ సేన్‌ (Vishwak sen) హీరోగా తెరకెక్కిన తాజా చిత్రం ‘గామి’ (Gaami). విద్యాధర్‌ కాగిత ఈ మూవీతో దర్శకుడిగా పరిచయం అవుతున్నారు. చాందినీ చౌదరి కథానాయిక. మార్చి 8న విడుదలకానుంది. ఈ నేపథ్యంలో ప్రీరిలీజ్‌ వేడుక నిర్వహించారు. అడివి శేష్, హనురాఘవపూడి తదితరులు ముఖ్య అతిథులుగా హాజరయ్యారు.

‘‘విద్యాధర్‌ కాగిత వంటి గొప్ప వ్యక్తిని నేను జీవితంలో చూడలేదు. తన మాటపై ఉన్న నమ్మకంతో ఈ సినిమా చేశాను. మంచి కథ కచ్చితంగా హిట్‌ అవుతుంది. ప్రేక్షకుల్ని కట్టిపడేసే సన్నివేశాలు ఇందులో ఉన్నాయి. శివరాత్రికి విడుదల చేయాలని అనుకోలేదు. ఇది దైవ నిర్ణయం. విభిన్నమైన కథతో తెరకెక్కిన ఈ సినిమా ప్రేక్షకుల మదిలో నిలిచిపోతుంది. మంచి సినిమా చూశామన్న ఫీలింగ్‌ అందరికీ కలుగుతుంది. ఎంతో రిస్క్‌ చేసి దీన్ని తెరకెక్కించాం. అందరూ గర్వపడే సినిమా ఇది. మా కష్టానికి తగిన ఫలితం దక్కుతుందనే నమ్మకం ఉంది. చాందినీ చౌదరి ఈ సినిమా కోసం కష్టపడింది. మార్చి 8న థియేటర్‌లో కలుద్దాం’ అని విశ్వక్‌సేన్‌ అన్నారు.

ఆ పిల్లల చదువుకు సాయం చేస్తున్నా.. చెప్పకపోవడానికి కారణమదే: గోపీచంద్‌

తాజాగా రాజమౌళి (ss Rajamouli) దీనిపై ఇన్‌స్టాలో పోస్ట్ పెట్టారు. ‘‘కఠోరమైన కృషి ఉంటే అసాధ్యమైన కలలు సాకారమవుతాయి. ‘గామి’ గురించి దర్శకుడు, నిర్మాత ఎంత కష్టపడ్డారో నాతో చెప్పినప్పుడు ఈ మాట గుర్తొచ్చింది. ఇందులోని విజువల్స్‌ చూస్తే నాలుగేళ్ల నుంచి వాళ్లు ఎంత కష్టపడ్డారో అర్థమైంది’’ అంటూ చిత్రబృందానికి శుభాకాంక్షలు తెలిపారు. దీంతో ఈ చిత్రంపై అంచనాలు నెలకొన్నాయి.