Leo: ఆ విషయంపై హైకోర్టును ఆశ్రయించిన ‘లియో’ నిర్మాతలు..

ఇంటర్నెట్ డెస్క్‌: ప్రముఖ కథానాయకుడు విజయ్‌ (Vijay) నటించిన ‘లియో’ (Leo). అక్టోబర్‌ 19న ఈ సినిమా ప్రేక్షకుల ముందుకు రానుంది. దీని కోసం సినీప్రియులంతా ఆసక్తిగా ఎదురుచూస్తున్నారు. తాజాగా దీని నిర్మాతలు ఓ విషయంలో కోర్టును ఆశ్రయించారు. ప్రస్తుతం ఈ వార్త సోషల్‌మీడియాలో ట్రెండ్‌ అవుతోంది. తమిళనాడు ప్రభుత్వం ఈ సినిమాకు మొదటి ఆరు రోజులు ఐదు షోలను ప్రదర్శించేందుకు అనుమతినిచ్చింది. అయితే, మొదటిరోజు తెల్లవారుజామున 4గంటల ఆట లేకపోవడంపై విజయ్‌ అభిమానులు నిరాశకు లోనయ్యారు. దీంతో సోషల్‌మీడియా వేదికగా చిత్రబృందాన్ని ట్యాగ్‌ చేస్తూ పోస్టులు పెట్టారు. తాజాగా ఈ విషయంపై నిర్మాతలు తమిళనాడు హైకోర్టును ఆశ్రయించారు. దీనిపై అక్టోబర్‌ 17న విచారణ జరగనుంది.

‘నాగా నాయుడు’ మళ్లీ వస్తాడు.. అయితే ఆ కంటెంట్‌ తగ్గిస్తాం: వెంకటేశ్‌

ఇక ‘లియో’ హంగామా చూస్తుంటే మొదటిరోజు భారీ వసూళ్లు సొంతం చేసుకోవడం ఖాయంగా కనిపిస్తోంది. ఇప్పటికే దీని టికెట్స్‌ ఓవర్సీస్‌లో రికార్డు స్థాయిలో అమ్ముడయ్యాయి. ‘విక్రమ్‌’ సూపర్‌హిట్‌ తర్వాత లోకేశ్‌ కనగరాజ్‌ దర్శకత్వం వహిస్తున్న చిత్రంకావడం, ‘మాస్టర్‌’ తర్వాత లోకేశ్‌- విజయ్‌ కాంబోలో రూపొందుతున్న సినిమాకావడంతో ‘లియో’పై భారీ అంచనాలు నెలకొన్నాయి. ప్రమోషన్స్‌లో భాగంగా చిత్రబృందం ఆసక్తికర విషయాలను పంచుకుంటూ వాటిని రెట్టింపు చేసింది. యాక్షన్‌ థ్రిల్లర్‌గా రూపొందిన ఈ సినిమాలో త్రిష కథానాయిక. సంజయ్‌ దత్‌, అర్జున్‌, గౌతమ్‌ వాసుదేవ్‌ మేనన్‌, మిస్కిన్‌ తదితరులు కీలక పాత్రలు పోషించారు.