ఆస్ట్రేలియా: ‘హ్యూమన్‌ రైట్స్‌’ వ్యాసరచన పోటీలో విజేతగా అరుణ్‌ గోగినేని

ఇంటర్నెట్ డెస్క్‌: ఆస్ట్రేలియన్ ఛార్టర్‌ ఆఫ్ హ్యూమన్‌ రైట్స్‌ అండ్ ఫ్రీడమ్‌ అంశానికి సంబంధించి వ్యాసరచన పోటీల్లో బాబు గోగినేని కుమారుడు అరుణ్‌ గోగినేని విజేతగా నిలిచారు. ఆస్ట్రేలియాలోని వెరిబీ సెకండరీ కాలేజ్‌లో చదువుతున్న అరుణ్‌ గోగినేనితో పాటు మరో విద్యార్థి జోష్‌వా సంయుక్తంగా విజేతలుగా నిలిచారని బాబు గోగినేని సామాజిక మాధ్యమాల ద్వారా వెల్లడించారు. జాతీయ స్థాయిలో నిర్వహించిన పోటీల్లో ఒకే కాలేజ్‌కు చెందిన విద్యార్థులు ప్రథమ స్థానంలో నిలవడం విశేషమని బాబు పేర్కొన్నారు. దీనికి సంబంధించిన వివరాలను బాబు గోగినేని షేర్‌ చేశారు. ఆస్ట్రేలియాలో పాఠశాల విద్యార్థులకు హక్కుల పట్ల  అవగాహన కల్పించేందుకు ఏటా ‘హ్యూమన్‌ రైట్స్ లా సెంటర్’ ఇలాటి పోటీలను నిర్వహిస్తుందని బాబు గోగినేని వివరించారు.