'అఖండ' విజయం.. బే ఏరియాలో అభిమానుల కోలాహలం

ఇంటర్నెట్‌ డెస్క్‌: నందమూరి బాలకృష్ణ హీరోగా బోయపాటి శ్రీను దర్శకత్వంలో తెరకెక్కిన 'అఖండ' సినిమా గురువారం విడుదలైంది. తెలుగు రాష్ట్రాలతో పాటు ప్రపంచవ్యాప్తంగా పలు దేశాల్లో విడుదలైన చిత్రం హిట్‌ టాక్‌ తెచ్చుకుంది. అమెరికాలోని బే ఏరియాలో 'అఖండ' విజయాన్ని అభిమానులు ఆనందంతో సంబరాలు చేసుకొంటున్నారు. చాలా కాలం తర్వాత బాలయ్య మంచి మాస్ హిట్‌ అందుకున్నారని వారంతా ఆనందం వ్యక్తం చేస్తున్నారు. బాలకృష్ణ అభిమానులు చందు మల్లెల, శ్రీకాంత్ దొడ్డపనేని, గంగా కోమటి, లక్ష్మణ్‌ పరుచూరి, సాయి కంభంపాటి, అజయ్ యార్లగడ్డ, అర్జున్ ఆరికట్ల, అరవింద్, మధు కండేపి, సతీష్ బొల్లా, ప్రకాష్, సత్యనారాయణ తిపిర్నేని, వెలగపూడి బ్రదర్స్ ఆధ్వర్యంలో సంబరాలు చేసుకున్నారు. 108 కొబ్బరికాయలు కొట్టి ఎన్టీఆర్‌, బాలకృష్ణ చిత్రపటాలకు పాలాభిషేకం చేశారు. కేకు కోసి వేడుక చేసుకున్నారు. అభిమానులతో పాటు అందరికి నచ్చేలా మాస్ ఎలిమెంట్స్‌తో బోయపాటి సినిమాను మలిచారన్నారు. బాలయ్య ఎప్పటిలాగే తన నట విశ్వరూపం చూపించారని, అఘోరా పాత్ర సినిమాకే హైలెట్‌గా నిలిచిందని సంతోషం వ్యక్తం చేశారు.