MATA: న్యూజెర్సీలో ఘ‌నంగా ‘మాటా’ కిక్-ఆఫ్, ఫండ్ రైజింగ్ కార్యక్రమం

న్యూజెర్సీ: అమెరికాలోని తెలుగు ప్రజలను ఒక్కటి చేసేందుకు ఏర్పాటైన ‘మ‌న అమెరికన్ తెలుగు అసోసియేషన్’ (MATA) తొలి క‌న్వెన్ష‌న్‌ను ఘనంగా నిర్వ‌హించుకునేందుకు కిక్-ఆఫ్, ఫండ్ రైజింగ్ కార్యక్రమాలను ఏర్పాటు చేసింది. న్యూజెర్సీలోని అల్బ‌ర్ట్స్ ప్యాలెస్‌లో జ‌రిగిన ఈ కార్యక్రమంలో సుమారు వెయ్యి మందికి పైగా పాల్గొన్నారు. తొలి క‌న్వెన్ష‌న్ నిర్వహణకు   5 లక్షల డాల‌ర్ల‌కు పైగా విరాళాలు అందించిన వారికి ‘మాటా’ వ్యవస్థాపక అధ్యక్షుడు శ్రీనివాస్ గనగోని కృత‌జ్ఞ‌త‌లు తెలిపారు. రాబోయే రోజుల్లో అమెరికాలోని మిగతా రాష్ట్రాల్లోనూ  ‘కిక్ ఆఫ్ ఈవెంట్స్’ నిర్వ‌హించనున్నట్లు తెలిపారు. 

ఈ వేడుకలో గాయకులు స‌మీరా భ‌ర‌ద్వాజ్, వేణు శ్రీ‌రంగం పాట‌లతో సభికులను అల‌రించారు. దీప్తి నాగ్ యాంక‌రింగ్‌తో పాటు పాట‌లు పాడి ఆక‌ట్టుకున్నారు. ఈ కార్యక్రమంలో అడ్వైజరీ కమిటీ సభ్యుడు ప్రదీప్ సామల, ఈసీ మెంబర్ స్వాతి అట్లూరి, కార్యదర్శి ప్రవీణ్ గూడూరు, కో-ఆర్డినేటర్లు కిరణ్ దుద్దగి, వెంకట్ సుంకిరెడ్డి త‌దిత‌రులు పాల్గొన్నారు. శ్రీనివాస్ గనగోని సారథ్యంలో ఏర్పాటైన ఈ అసోసియేష‌న్ అతి త‌క్కువ స‌మ‌యంలోనే వేగంగా విస్త‌రిస్తూ అమెరికాలో దిగ్గ‌జ సంఘాల‌కు ధీటుగా నిల‌బ‌డుతోందని సభ్యులు అభిప్రాయప్డడారు.